Author: નોબત સમાચાર
ચારધામની યાત્રાના નામે પૈસા ઉઘરાવી એક શખ્સના પોબારા
મોડીરાત્રિ સુધી બસની રાહ જોવડાવી!
જામનગર તા. ૭: ખંભાળિયાના કંડોરણા ગામના કેટલાક યાત્રાળુઓને રૂ.૪ હજારમાં ચારધામની યાત્રા કરાવી આપવાની મધલાળ બતાવી એક શખ્સે પૈસા ઉઘરાવ્યા પછી યાત્રા માટે રવિવારે રાત્રે ખંભાળિયા પાસે આવી જવા યાત્રાળુઓને કહ્યું હતું પરંતુ તે પછી આ શખ્સ કે યાત્રાની બસ ન આવતા છેતરાઈ ગયેલા ભાવિકોએ પોલીસમાં અરજી કરી વ્યથા ઠાલવી છે.
દેવભૂમિ દ્વારકા જિલ્લાના ખંભાળિયા તાલુકાના કંડોરણા ગામમાં રહેતા એક શખ્સે ચારધામની યાત્રા માટે એક યાત્રાળુદીઠ રૂ.૪ હજારની રકમ નક્કી કર્યા પછી બાકીની રકમ એક સખી મંડળ ચૂકવશે તેમ કહી કેટલાક ભાવિકોને ચારધામની યાત્રા કરાવી આપવા લાલચ બતાવી હતી.
આ શખ્સની વાતમાં આવી ગયેલા ધરમપુર ગ્રામ પંચાયત વિસ્તારમાં વસવાટ કરતા જુદા જુદા પ૯ વ્યક્તિઓએ રૂ.૪-૪ હજાર જમા કરાવ્યા હતા. તે પછી ગયા રવિવારે રાત્રે દસ વાગ્યે સંઘ રવાના થવાનો છે અને તે માટે ખંભાળિયા પાસે પેટ્રોલપંપ નજીક યાત્રાળુઓને આવી જવાનું કહેવાયું હતું તેના પગલે યાત્રાળુઓ પોતાના સામાન સાથે અને વિદાય આપવા આવેલા પરિવારજનો સાથે તે સ્થળે પહોંચ્યા હતા.
ત્યારપછી કોઈ બસ ન આવતા રાહ જોઈને કંટાળેલા લોકોએ આ શખ્સનો સંપર્ક કરવાનો પ્રયાસ કરતા તે શખ્સનો મોબાઈલ બંધ મળ્યો હતો અને તેમ છતાં યાત્રાળુઓએ આ શખ્સના સંપર્ક માટે પ્રયાસો કર્યા પછી અંતમાં પોતાની સાથે છેતરપિંડી કરવામાં આવી હોવાનું અનુભવ્યું હતું. ગઈકાલે સવારે બજાણા રોડ પાસે એકઠા થયેલા યાત્રાળુઓએ પોલીસમાં આ બાબતની અરજી પાઠવી તે શખ્સ સામે કાર્યવાહીની માગણી કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
