Author: નોબત સમાચાર
ટેકાના ભાવે મગફળી પાકની નોંધણી તથા ડિજીટલ ક્રોપ સર્વે વેરીફીકેશન અંગે હેલ્પલાઈન
દેવભૂમિ દ્વારકા જિલ્લામાં
ખંભાળિયા તા. ૨૪ઃ ચાલુ સિઝનમાં મગફળી, મગ, અડદ અને સોયાબીનની ટેકાના ભાવથી ખરીદવાનું આયોજન રાજય સરકાર મારફત કરવામાં આવે છે. રાજયના તમામ જિલ્લાઓમાં ખરીફ પાકો મગફળી, મગ, અડદ અને સોયાબીનની ટેકાના ભાવે ખરીદી માટે તા.૨૨/૦૯/૨૦૨૫ સુધી ખેડૂતોની નોંધણી ગ્રામ્ય કક્ષાએ ઈ-ગ્રામ કેન્દ્રોમાં વી.સી.ઇ. મારફતે વિનામૂલ્યે ઓનલાઇન નોંધણી નાફેડના ઇ-સમૃદ્ધિ પોર્ટલ મારફત થયેલ છે, તેમજ મોટાભાગના ખેડૂતો દ્રારા નોંધણી પૂર્ણ કરવામાં આવી છે. ચાલુ ખરીફ સિઝનમાં મગફળીનું ટેકાના ભાવે વેચાણ કરવા થયેલ નોંધણીમાં દર્શાવેલ પાક અને સર્વે નંબરનું ડિજીટલ કોપ સર્વે અને સેટેલાઈટ ઇમેજ આધારીત વેરીકિકેશન કરવામાં આવી રહેલ છે. હાલની સ્થિતિએ સર્વે નંબરમાં પાક અને ત્યારબાદ સેટેલાઈટ કે ડિજીટલ કોપ સર્વેમાં પાકની વિસંગતતા નિવારવા નીચે મુજબ કાર્યવાહી કરવા તમામ ખેડૂતોને અનુરોધ છે.
જે ખેડૂતોએ નાફેડના ઇ-સમૃદ્ધિ પોર્ટલ પર નોંધણી કરાવેલ હોય તેવા ખેડૂતોની હાલમાં ચાલી રહેલ ડિજીટલ ક્રોપ સર્વેમાં સર્વેયર મારફત ૧૦૦% સર્વે કામગીરી પૂર્ણ કરાવવી. આ માટે આપના ગામના તલાટીશ્રી, ગ્રામ સેવકશ્રીનો સંપર્ક કરવો.
વધુમાં નોંધણીમાં દર્શાવેલ સર્વે નંબર માટે ખેડૂત જાતે સેલ્ફ સર્વે માટે પ્લે સ્ટોર પરથી ક્રોપ સર્વે ગુજરાત એપ ડાઉનલોડ કરી ડિજીટલ ક્રોપ સર્વે કરી શકશે. વધુ માહિતી માટે આપના ગામના વીસીઈ, તલાટીમંત્રી, ગ્રામસેવકનો સંપર્ક કરવા તેમજ જિલ્લા પંચાયત, ખેતીવાડી શાખા, દેવભૂમિ દ્વારકામાં ૦૨૮૩૩-૨૩૫૮૬૮ નંબર પર કચેરીના સમય દરમિયાન સંપર્ક કરવો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
