Author: નોબત સમાચાર
કાલાવડના લક્ષ્મીપુરમાં ગાળો બોલવા તથા રસ્તો બંધ કરવાના મામલે બે જૂથ વચ્ચે મારામારી
અન્ય એક વ્યક્તિએ પણ માર માર્યાની કરી રાવઃ છ મહિલા સહિતના આરોપી સામે ગુન્હોઃ
જામનગર તા. ૨૯ઃ કાલાવડના લક્ષ્મીપુર ગામમાં વતન ધરાવતા સુરતના એક આસામી પોતાના પરિવાર સાથે દિવાળીના તહેવારમાં વતન આવ્યા પછી ગઈકાલે સાંજે પોતાના વાડે હતા ત્યારે ચાર શખ્સ તથા ચારેયના પત્નીઓએ ત્યાં ગાળો ભાંડી હતી. તેઓને વારવા જતા આ શખ્સોએ લાકડીઓ બતાવી પતાવી દેવાની ધમકી આપ્યાની પોલીસમાં ફરિયાદ કરાઈ છે. તેની સામે સામા પક્ષે પણ બે મહિલા સહિત ચાર સામે માર માર્યાની અને ધમકી આપ્યાની રાવ કરી છે. તે ઉપરાંત અન્ય એક વ્યક્તિએ પણ સુરતના છ વ્યક્તિઓ સામે હુમલાની ફરિયાદ કરી છે.
કાલાવડ તાલુકાના લક્ષ્મીપુર ગામમાં અગાઉ રહેતા અને હાલમાં સુરતના કતાર ગામમાં સુમન દર્શન સોસાયટીમાં વસવાટ કરતા લક્ષ્મણભાઈ ઉકાભાઈ ઝાપડા તથા તેમના પરિવારજનો દિવાળીના તહેવાર નિમિત્તે લક્ષ્મીપુર આવ્યા પછી ગઈકાલે સાંજે પોતાના વાડે બેઠા હતા.
આ વેળાએ ત્યાં ધસી આવેલા ભૂમેશ ભવાનભાઈ લુણાગરીયા, ભવાનભાઈ ચનાભાઈ લુણાગરીયા, બાબુભાઈ ચનાભાઈ લુણાગરીયા તથા અશ્વિન ચનાભાઈ લુણાગરીયા અને આ ચારેય વ્યક્તિના પત્નીઓ ગાળો બોલતા હતા. તેઓને ગાળો બોલવાની ના પાડતા લક્ષ્મણભાઈને ભૂમેશે ધક્કો માર્યાે હતો અને બાકીના આરોપીઓએ ગાળો ભાંડી લાકડી બતાવી જાનથી મારી નાખવાની ધમકી આપ્યાની કાલાવડ ગ્રામ્ય પોલીસ મથકમાં ફરિયાદ કરવામાં આવી છે.
આ ફરિયાદની સામે હાલમાં રાજકોટના મવડી દોઢસો ફૂટ રીંગરોડ પર હિમાલય સોસાયટીમાં રહેતા અને મૂળ લક્ષ્મીપુરના ભૂમેશ ભવાનભાઈ લુણાગરીયાએ વળતી ફરિયાદ નોંધાવી તેમાં જણાવ્યું છે કે, તેઓએ પોતાના ખેતર તરફ જવાના રસ્તાને ગોપાલભાઈ ડાયાભાઈ ઝાપડાએ બંધ કર્યાે હોવાથી તે બાબતે ગઈકાલે સાંજે કહેવા જતા ગોપાલ ડાયાભાઈ ઝાપડા, રમાબેન લક્ષ્મણભાઈ ઝાપડા, રાહુલ લક્ષ્મણભાઈ તથા ડિમ્પલબેન લક્ષ્મણભાઈ ઝાપડાએ ગાળો ભાંડી ઢીકાપાટુથી માર મારી પતાવી દેવાની ધમકી આપી હતી.
ઉપરોક્ત બંને ફરિયાદ ઉપરાંત લક્ષ્મીપુરના જ હેમતભાઈ નાગજીભાઈ વેકરીયાએ પણ પોલીસમાં ફરિયાદ નોંધાવી તેમાં જણાવ્યું છે કે, તેમના વાડામાં ગોબર પ્લાન્ટમાં ગઈકાલે બપોરે ગોપાલભાઈ ડાયાભાઈ ઝાપડા વગેરે લોકો જેસીબી ચલાવતા હતા ત્યારે ત્યાં ગયેલા હેમતભાઈ પર ગોપાલભાઈ, રમાબેન લક્ષ્મણભાઈ, રાહુલ લક્ષ્મણભાઈ, ડિમ્પલબેન લક્ષ્મણભાઈ, લક્ષ્મણભાઈ ઉકાભાઈ, ડાયાભાઈ ઉકાભાઈ ઝાપડાએ ગાળો ભાંડી હતી અને હેમતભાઈની પુત્રીને ડિમ્પલબેને ફડાકા ઝીંકી દીધા હતા. જ્યારે રમાબેને હાથ પકડીને હેમતભાઈના માતાને ધક્કો માર્યાે હતો તેમજ ધમકી પણ આપી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
