Author: નોબત સમાચાર
મોટી રકમ પડાવવા માટે મહિલાએ ગાળો ભાંડી ધમકી આપ્યાની ફરિયાદ
ભાણવડના ગડુમાં ખેડૂત પર ધોકાથી પ્રહારઃ
જામનગર તા. ૧૦ઃ જામનગરના શંકરટેકરીમાં એક મહિલાના ઘર પાસે આવી અન્ય એક મહિલાએ મોટી રકમ આપવા ધમાલ મચાવી અન્ય મહિલાઓને પણ ગાળો ભાંડી હોવાની પોલીસમાં ફરિયાદ કરવામાં આવી છે. જ્યારે ભાણવડના ગડુમાં એક ખેડૂતને વંડીમાં પથ્થર મુકવા બાબતે એક શખ્સે ધોકો ફટકારી ઈજા કરી હતી.
જામનગરના શંકરટેકરી વિસ્તારમાં રઝાનગરમાં રહેતા મુમતાઝબેન કાસમ ખીરા નામના મહિલાએ શંકરટેકરી નવી નિશાળ પાસે રહેતા સમીમબેન શબ્બીર જુમાણી સામે સી ડિવિઝન પોલીસ સ્ટેશનમાં ફરિયાદ નોંધાવી છે.
ફરિયાદમાં જણાવ્યામાં આવ્યા મુજબ તેમના પુત્ર ઈરફાન તથા સમીર ખીરા, હસન સીદીભાઈ ખીરા સામે થોડા સમય પહેલાં પોલીસમાં ફરિયાદ કરવામાં આવી છે. તે પછી મુમતાઝબેન પાસેથી મોટી રકમ પડાવી લેવા માટે અવારનવાર ધમકી આપવામાં આવતી હતી. તે પછી ગઈ તા.૧૪ના દિને સમીમબેન પૈસા પડાવવા માટે તેમના ઘર નજીક આવ્યા હતા અને તેઓએ મુમતાઝબેન તથા અન્ય મહિલાઓને ગાળો ભાંડી હતી અને બહારથી ગુંડા બોલાવી જાનથી મારી નાખવાની ધમકી આપી હતી. પોલીસે બીએનએસની કલમ ૩૫૧ (ર), ૩૫૨ હેઠળ ગુન્હો નોંધ્યો છે.
ભાણવડ તાલુકાના ગડુ ગામના વાડી વિસ્તારમાં મેરામણ રામાભાઈ ઓડેદરા નામના ખેડૂત ગયા સોમવારે સવારે પોતાના ખેતરે વંડીમાં પડી ગયેલા પથ્થરો ગોઠવતા હતા ત્યારે ખીમાભાઈ સામતભાઈ ભેટારીયા નામના શખ્સે પથ્થર શા માટે ગોઠવે છે તેમ કહી ગાળો ભાંડી ધોકા સાથે વંડી ટપી જઈ મેરામણ પર હુમલો કર્યાે હતો અને ધમકી આપી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
