Author: નોબત સમાચાર
મેઘપરમાંથી ઝડપાયો બોગસ તબીબ
કહેવાતા દવાખાનામાંથી તબીબી સાધનો ઝબ્બેઃ
જામનગર તા. ૫: જામનગરના મેઘપર ગામમાં ગઈકાલે એસઓજીએ પૂર્વ બાતમીના આધારે દરોડો પાડીને એક બોગસ તબીબને દબોચી લીધો છે. આ શખ્સના કહેવાતા દવાખાનામાંથી દવા, સ્ટેથેસ્કોપ વગેરે કબજે કરવામાં આવ્યા છે.
જામનગર-ખંભાળિયા ધોરીમાર્ગ પર આવેલા મેઘપર ગામમાં મુખ્ય બજારમાં એક શખ્સ ડોક્ટર ન હોવા છતાં દર્દીઓની સારવાર કરતો હોવાની બાતમી જામનગરના સ્પેશિયલ ઓપરેશન ગ્રુપના વિરેન્દ્રસિંહ, બલભદ્રસિંહને મળતા પીઆઈ બી.એન. ચૌધરીની સૂચનાથી ગઈકાલે સાંજે એસઓજી ટીમે મેઘપરમાં દરોડો પાડ્યો હતો.
ત્યાં મુખ્ય બજારમાં આવેલા શ્રીમંતા પશુપતિ બિસ્વાસ નામના શખ્સના કહેવાતા દવાખાનામાં પહોંચેલી એસઓજીએ મૂળ પશ્ચિમ બંગાળના ચાર ખટાલા ગામના આ શખ્સ પાસે ડિગ્રી જોવા માંગતા તેની પાસે કોઈ ડિગ્રી ન હોવાનું અને તેમ છતાં દર્દીઓની સારવાર કરતો હોવાનું ખૂલ્યું છે. આ શખ્સ સામે મેઘપર પોલીસ સ્ટેશનમાં ગુન્હો રજીસ્ટર કરાવાયો છે અને તેના કહેવાતા દવાખાનામાંથી દવા અને તબીબી સાથો ઝબ્બે લેવામાં આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
