Author: નોબત સમાચાર
જી.જી. હોસ્પિટલની સામેથી એસ્ટેટ શાખા દ્વારા માલસામાન જપ્ત કરાયો
રેંકડી, ટેબલ, કાઉન્ટરો રોડ ઉપર ખડકી દેવાતા
જામનગર તા. ૧૧: જામનગરની જી.જી. હોસ્પિટલ સામેના દુકાનદારો દ્વારા જાહેર રોડ ઉપર કરવામાં આવેલા દબાણોને આજે મહાનગરપાલિકાની એસ્ટેટ શાખા દ્વારા દૂર ખસેડવામાં આવ્યા હતાં, તો અમુક માલસામાન પણ કબજે લીધો હતો.
જામનગરની જી.જી. હોસ્પિટલ સામેના વિસ્તારમાં આવેલ અમુક નાસ્તા અને ચા-પાણીના દુકાનદારો દ્વારા રેંકડી, ટેબલો, કાઉન્ટરો, તપેલા વિગેરે જાહેર રોડ ઉપર રાખવામાં આવ્યા હતાં.
આજે મહાનગરપાલિકાની એસ્ટેટ શાખા દ્વારા અહિં દબાણ હટાવ ઝુંબેશ હાથ ધરવામાં આવી હતી, અને અનેક ટેબલ, કાઉન્ટરો, રેંકડી જાહેર રોડ ઉપર ખડકી દેવામાં આવ્યા હોવાનું નજરે ચઢતા તે તમામ માલસામાન કબજે લેવાયો હતો. તેમજ કેટલોક માલસામાન દૂર ખસેડી લેવા સૂચના આપવામાં આવી હતી. આ કામગીરી સમયે થોડીવાર માટે નાસભાગ મચી જવા પામી હતી.
અત્રે ઉલ્લેખનિય છે કે, હોસ્પિટલ માર્ગે જાહેર રોડ ઉપરના દબાણના કારણે ટ્રાફિકજામની સમસ્યા ઊભી થવા પામી છે. પરિણામે સમયાંતરે અહિં એસ્ટેટ શાખા દ્વારા દબાણહાટાવ ઝુંબેશ હાથ ધરવામાં છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
