Author: નોબત સમાચાર
કાલાવડ પાસેથી ઈંગ્લીશ દારૂના સાત ચપલા સાથે પરપ્રાંતીય શ્રમિક પકડાયો
ગણપતનગર પાસેથી દેશી દારૂની ભઠ્ઠી મળીઃ
જામનગર તા. ૧૬: કાલાવડના રણુજા રોડ પરથી એક પરપ્રાંતીય શ્રમિક ઈંગ્લીશ દારૂના સાત ચપલા સાથે ઝડપાયો છે. બેડ ટોલનાકા પાસેથી નગરનો શખ્સ એક બોટલ સાથે મળી આવ્યો છે. એલસીબીએ ગણપતનગર પાસે એક મહિલાના રહેણાંકમાંથી એલસીબીએ દેશી દારૂની ભઠ્ઠી પકડી લીધી છે.
કાલાવડથી રણુજા તરફ જવાના રોડ પર આવેલી એક સ્કૂલ નજીકથી ગઈકાલે સાંજે પસાર થઈ રહેલા મૂળ મધ્યપ્રદેશના અલીરાજપુર જિલ્લાના વતની અને હાલમાં કાલાવડમાં હરીપર ગામની સીમમાં જમનભાઈ પટેલના ખેતરમાં મજૂરીકામ કરતા બચુભાઈ જંગલીયા મહિલા નામના શ્રમિકને પોલીસે રોકાવી તલાશી લેતા આ શખ્સ પાસેથી ઈંગ્લીશ દારૂના સાત ચપલા મળી આવ્યા હતા. પોલીસે ચપલા કબજે કરી બચુભાઈની ધરપકડ કરી છે.
જામનગર-ખંભાળિયા ધોરીમાર્ગ પર બેડ ટોલનાકા પાસેથી ગઈકાલે રાત્રે જામનગરની તિરૂપતિ સોસાયટીમાં રહેતા હરદેવસિંહ ખુમાનસિંહ જાડેજા નામના શખ્સને દારૂની બોટલ સાથે સિક્કા પોલીસે પકડી પાડ્યો છે.
જામનગરના દિગ્જામ વુલન મીલ નજીક ગણપતનગર પાસે આવેલા સંગીતાબેન વિજય ડાભી નામના મહિલાના મકાનમાં એલસીબી સ્ટાફે દરોડો પાડતા ત્યાંથી દેશી દારૂની ભઠ્ઠી મળી આવી છે. સ્થળ પરથી ૨૦૦ લીટર આથો, તૈયાર દારૂ, ભઠ્ઠીના સાધનો કબજે કરાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
