Author: નોબત સમાચાર
સંયુક્ત માલિકીની જમીનમાં વાવેતર કેમ કરવા દેતા નથીઃ સગા ભાઈ-ભાભી પર હુમલો
શેખપાટના યુવાને નોંધાવી પોલીસમાં ફરિયાદઃ
જામનગર તા. ૧૨: જામનગર નજીકના શેખપાટ ગામમાં વસવાટ કરતા એક સતવારા યુવાનને તેના ઘેર આવી સગા ભાઈએ સંયુક્ત માલિકીની જમીનમાં મને કેમ વાવેતર કરવા દેતા નથી તેમ કહી પાવડાથી હુમલો કરી માર માર્યાે હતો અને વચ્ચે પડનાર ભાભીને પણ ઈજા પહોંચાડી હતી.
જામનગર-રાજકોટ ધોરીમાર્ગ પર આવેલા શેખપાટ ગામમાં વસવાટ કરતા વિનોદભાઈ લવજીભાઈ નકુમ નામના યુવાન બુધવારે સાંજે પોતાના ઘરે હતા ત્યારે તેનો સગો ભાઈ રાજેશ લવજીભાઈ આવ્યો હતો.
આ વેળાએ સંયુક્ત માલિકીની ખેતીની જમીન મને કેમ વાવવા દેતા નથી તેમ કહી ગાળો ભાંડ્યા પછી ઉશ્કેરાઈ જઈ રાજેશે લોખંડના પાવડાથી હુમલો કરી પોતાના ભાઈ વિનોદને માથામાં ઈજા પહોંચાડી હતી. વચ્ચે પડનાર વિનોદભાઈના પત્નીને પણ હાથમાં ઈજા થઈ હતી. પંચકોશી એ ડિવિઝન પોલીસ સ્ટેશનમાં વિનોદભાઈએ ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
