ભાજપ દ્વારા જુદી જુદી ૧ર સેવા પ્રવૃત્તિઓનું આયોજનઃ અલગ અલગ ઈન્ચાર્જ નિમાયા

Author: નોબત સમાચાર

ભાજપ દ્વારા જુદી જુદી ૧ર સેવા પ્રવૃત્તિઓનું આયોજનઃ અલગ અલગ ઈન્ચાર્જ નિમાયા

મોદી જયંતીથી ગાંધી જયંતી વચ્ચેના સમયગાળામાં દ્વારકા જિલ્લામાં

ખંભાળિયા તા. ૧૬ઃ આવતીકાલે વડાપ્રધાન નરેન્દ્ર મોદીની જયંતીથી બીજી ઓક્ટોબરે ગાંધી જયંતી દરમિયાન દ્વારક જિલ્લામાં ભાજપ દ્વારા વિવિધ ૧ર સેવાકાર્યો માટે અલગ અલગ ઈન્ચાર્જ નિમાયા છે.

દેવભૂમિ દ્વારકા જિલ્લામાં તા. ર૭-૯-ર૦રપ થી તા. ર-૧૦-ર૦રપ દરમિયાન વડાપ્રધાન નરેન્દ્ર મોદી તથા મહાત્મા ગાંધીના જન્મદિવસ સંદર્ભમાં સેવા પખવાડિયાનું આયોજન ભાજપ દ્વારા સમગ્ર રાજ્યમાં થયું હોય, દ્વારકા જિલ્લામાં પણ ભાજપ જિલ્લા પ્રમુખ મયુરભાઈ ગઢવી તથા સિનિયર મહામંત્રી યુવરાજસિંહ વાઢેરની આગેવાનીમાં જુદી જુદી બાર પ્રવૃત્તિઓ માટે ઈન્ચાર્જોની નિમણૂક કરીને સેવાકાર્યોનું આયોજન થયું છે.

રક્તદાન પ્રવૃત્તિના ઈન્ચાર્જ તરીકે વનરાજસિંહ વાઢેર, સ્વચ્છતા અભિયાનમાં કિરીટભાઈ ખેતિયા, આરોગ્ય શિબિરોમાં રાજુભાઈ ભરવાડ, વડાપ્રધાન મોદીના જીવન પર બનેલ દસ્તાવેજી ફિલ્મ માટે અશોકભાઈ કાનાણી, પ્રબુદ્ધ જન મિલન, ફિલ્મ પ્રદર્શન પુસ્તક વિતરણ માટે ઈન્દ્રજીતસિંહ પરમાર, પંડિત દીનદયાળ ઉપાધ્યાય જયંતી ઉજવણી માટે ભરતભાઈ ચાવડા, આત્મનિર્ભર ભારત વોકલ ફોર લોકલમાં નીમીષાબેન નકુમ, દિવ્યાંગ તથા વિશિષ્ટ વ્યક્તિ સન્માનમાં કશ્યપભાઈ ડેર, મહાત્મા ગાંધી જયંતી તથા શાસ્ત્રી જયંતી માટે મયુરભાઈ ધોરિયા, સાંસદ ખેલકૂદ સ્પર્ધામાં પરબતભાઈ ભાદરકા, વિકસિત ભારત ચિત્ર સ્પર્ધા માટે અવનીબેન રાયમંગિયા તથા પ્રચાર-પ્રસારના કન્વિનર તરીકે રસિકભાઈ નકુમની નિયુક્તિ થઈ છે.

જો આપને આ પોસ્ટ ગમી હોય તો શેર કરો...