Author: નોબત સમાચાર
દ્વારકામાં રૂ.૪ કરોડની ૫૬૦૦ ફૂટ સરકારી જગ્યાનું દૂર કરાયું દબાણ
તંત્રએ બે મોટર ટોઈંગ કરાવી કાર્યવાહી કરીઃ
જામનગર તા. ૧૭: દ્વારકાના રૂક્ષ્મણીનગરમાં આવેલી એક હોટલમાં રૂ.૪ કરોડની બજાર કિંમતવાળી સરકારની ૫૬૦૦ ફૂટ જગ્યામાં ઉભા થઈ ગયેલા દબાણને ગઈકાલે તંત્રએ જમીનદોસ્ત કર્યું છે. આ વેળાએ ત્યાં આડી પડેલી બે મોટર ટોઈંગ કરાવાઈ હતી.
દ્વારકા શહેરમાં આવેલા રૂક્ષ્મણીનગર વિસ્તારમાં આવેલી એક હોટલ પાસે સરકારની માલિકીની ૫૬૦૦ ફૂટ જગ્યામાં એક આસામીએ દબાણ સર્જયાની રજૂઆત કરી હતી.
અંદાજે રૂ.૪ કરોડની કિંમતની આ જગ્યામાં થયેલા દબાણના કારણે ત્યાંથી અવરજવરમાં નાગરિકોને મુશ્કેલી પણ પડી રહી હતી. રજૂઆતના પગલે ચીફ ઓફિસરે તે દબાણ દૂર કરવા માટે નોટીસ પાઠવી હતી. તેમ છતાં દબાણ દૂર કરવામાં ન આવતા ગઈકાલે દ્વારકા નગરપાલિકાના તંત્રએ પાડતોડ કામગીરી કરી હતી.
તે સ્થળે બાંધી લેવામાં આવેલા વંડાને દૂર કરવામાં આવ્યો હતો અને જેસીબીની મદદથી ૫૬૦૦ ફૂટ જગ્યા ખાલી કરાવાઈ હતી. પાડતોડ કામગીરી વચ્ચે ત્યાં આડી રાખવામાં આવેલી બે મોટર ટોઈંગ કરાવી તંત્રએ કાર્યવાહી કરી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
