Author: નોબત સમાચાર
કાલાવડના પીપરમાં મકાનમાંથી ઈંગ્લીશ દારૂની ઝડપાઈ ૪૬ બોટલઃ આરોપી નાસી જવામાં સફળ
ધુંવાવ રોડ પરથી નાની મોટી નવ બોટલ, બીયરના પાંચ ટીન સાથે બે ઝબ્બેઃ
જામનગર તા. ૧૩: કાલાવડના પીપર ગામમાં એક મકાનમાંથી પોલીસે ઈંગ્લીશ દારૂની ૪૬ બોટલ પકડી પાડી છે. દરોડા પહેલાં આરોપી નાસી ગયો છે. ધુંવાવ રોડ પરથી બે શખ્સ ઈંગ્લીશ દારૂની નાની મોટી નવ બોટલ તથા બીયરના પાંચ ટીન સાથે ઝડપાઈ ગયા છે. જામજોધપુરમાંથી ત્રણ ચપલા સાથે એકની અટકાયત કરાઈ છે અને ધ્રોલમાંથી દારૂની બોટલ ઝડપાઈ ગઈ છે.
કાલાવડ તાલુકાના પીપર ગામમાં એક શખ્સના મકાનમાં ઈંગ્લીશ દારૂનો જથ્થો પડ્યો હોવાની બાતમી પરથી ગઈકાલે કાલાવડ ગ્રામ્ય પોલીસે પીપરમાં દિનેશ ગોરાભાઈ ચૌહાણ નામના શખ્સના મકાનમાં દરોડો પાડી તલાશી લીધી હતી.
આ મકાનમાંથી ભારતીય બનાવટના અંગ્રેજી શરાબની ૪૬ બોટલ મળી આવી હતી. અંદાજે રૂ.૨૫,૯૯૦નો દારૂનો જથ્થો પોલીસે કબજે કર્યાે છે. દરોડા પહેલાં દીનેશ ચૌહાણ નાસી ગયો હોય તેની શોધ કરવામાં આવી રહી છે.
જામનગરના ધુંવાવ તરફ જતા રસ્તા પરથી ગઈકાલે પસાર થતાં શંકરટેકરી સ્થિત શાસ્ત્રીનગરવાળા જય અશ્વિનભાઈ નંદા તથા જતીન ધરમદાસ દામા નામના બે શખ્સને પોલીસે રોકી લઈ આ શખ્સોની તલાશી લેતા ઈંગ્લીશ દારૂની છ મોટી બોટલ, ત્રણ ચપલા તથા બીયરના પાંચ ટીન મળી આવ્યા હતા. પોલીસે રૂ.૩૮૦૦ની કિંમતનો દારૂનો જથ્થો ઝબ્બે લઈ બંને શખ્સની ધરપકડ કરી છે.
જામજોધપુરના મીની બસ સ્ટેન્ડ પાસેથી ગઈકાલે સાંજે જામજોધપુરની ઉમિયાનગર-૧ સોસાયટીમાં રહેતો યોગેશ ભૂપતભાઈ વિસાણી નામનો શખ્સ પસાર થતો હતો ત્યારે પોલીસે તેને રોકી ચેક કરતા તેની પાસેથી ઈંગ્લીશ દારૂના ત્રણ ચપલા મળી આવ્યા હતા. પોલીસે યોગેશની ધરપકડ કરી લીધી છે.
ધ્રોલમાં તાલુકા પંચાયત કચેરી રોડ પરથી શૈલેષગીરી પ્રફુલગીરી ગોસ્વામી નામનો શખ્સ દારૂની એક બોટલ સાથે મળી આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
