Author: નોબત સમાચાર
દ્વારકા જિલ્લામાં વર્ષો સુધી બીએલઓની કપરી ફરજો બજાવનારના ફરી ઓર્ડર નીકળતા કચવાટ
એકને ગોળ અને બીજાને ખોળ?: સુપ્રિમ કોર્ટનું તો માનો...
ખંભાળિયા તા. ૧૮: દેવભૂમિ દ્વારકા જિલ્લામાં અગાઉ પણ વર્ષો સુધી બી.એલ.ઓ.ની કામગીરી કરનારને ફરી હુકમો અપાતા કચવાટ ફેલાયો છે.
દેવભૂમિ દ્વારકા જિલ્લામાં તાજેતરમાં બ્લોક હેલ્થ ઓફિસરની કામગીરી માટે હુકમો થયા હતાં, જેમાં શિક્ષકોને આ જગ્યાની કામગીરી માટે હુકમો અપાયેલ તેમાં અગાઉ બાર બાર વર્ષ કામ કરી ગયેલાને ફરી પાછા હુકમો આપતા આ કામગીરી કરનારા ઓર્ડર આપનારાની કામગીરી સામે પ્રશ્નાર્થ સર્જાયો છે.
સામાન્ય રીતે આ કામ માટે ત્રણ વર્ષ માટે નિમણૂક આપવામાં આવતી હોય છે, પણ ઘેર-ઘેર ફરીને મતદારોની નોંધણી કમી રદ કરવાનું કંટાળાજનક તથા અશિક્ષિત વસ્તીમાં મુશ્કેલી મહિલા કર્મીએ આ કામ કરવા પોતાના પતિ કે પુરુષ સહાય ઘરના હોય તો જ જઈ શકાય તેવા પણ વિસ્તારોમાં જવાનું થતું હોય, આ કામમાંથી છૂટવા લોકો પ્રયત્નશીલ હોય છે, ત્યારે આ અગાઉ પણ બાર બાર વર્ષ માટે કામ કરનારાઓને ફરી પાછા નિમણૂક હુકમો અપાયા છે, તો અસંખ્ય ઢગલાબંધ કર્મચારી શિક્ષકો એવા છે જે ક્યારેય આ કામગીરીમાં આવ્યા જ નથી. આમ કેમ? શું ઈરાદાપૂર્વક તેમને મુક્ત રખાયા છે કે શું? તો પછી જુનાને ફરીથી વારંવાર આ અણગમતી અને આકરી ફરજ અને બીજાને કંઈ નહીં? તેમ કેમ?
આવો પ્રશ્ન પણ થયો છે, તો સુપ્રિમ કોર્ટ દ્વારા પણ શિક્ષણ સિવાયની કામગીરી શિક્ષકોને નહીં અન્ય કર્મચારીઓને સોંપવા આદેશ પછી પણ એ જ સ્થિતિ થતા શિક્ષકોમાં અણગમો ફેલાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
