કનસુમરાના ટ્રસ્ટમાં ઉચાપતના કેસમાં બે આરોપીની ફરમાવાઈ જામીન મુક્તિ

Author: નોબત સમાચાર

કનસુમરાના ટ્રસ્ટમાં ઉચાપતના કેસમાં બે આરોપીની ફરમાવાઈ જામીન મુક્તિ

કરોડોની ઉચાપત કરી લેવાયાનો કરાયો છે આક્ષેપઃ

જામનગર તા. ૧૩: જામનગર નજીકના કનસુમરા ગામના ટ્રસ્ટમાં કરોડો રૂપિયાની ઉચાપત થયાની પોલીસમાં ફરિયાદ થયા પછી પોલીસે ગુન્હો નોંધી કેટલાક ટ્રસ્ટીઓની ધરપકડ કરી હતી. બે આસામીએ જામીનમુક્ત થવા કરેલી અરજી ગ્રાહ્ય રાખવામાં આવી છે.

જામનગર નજીકના ગામની હદમાં આવેલી ગ્રામ ૫ંચાયતની માલિકીની જમીનનું વર્ષાે પહેલાં સંપાદન થયું હતું અને રૂપિયા બાવીસેક કરોડ વળતર પેટે ગામના ટ્રસ્ટમાં જમા થયા હતા. તે રકમમાંથી ગામના વિકાસના કામો કરવાના હતા. તે દરમિયાન કેટલાક ટ્રસ્ટીઓએ જોગવાઈનો ગેરલાભ લઈ રૂ।.૧૬ કરોડથી વધુની રકમ ટ્રાન્સફર કરાવી નાખ્યાની ફરિયાદ કાસમ દોસમામદ ખીરાએ નોંધાવી હતી. પોલીસે ઉચાપત અંગે ગુન્હો નોંધી આરોપીઓની ધરપકડ કરી હતી.

ધરપકડ પામેલા આરોપી-ટ્રસ્ટી પૈકીના અકરમ સલીમ ખીરા, વલીમામદ દોસમામદ ખીરાએ જામીનમુક્ત થવા અદાલતમાં અરજી કરતા અદાલતે બંને આરોપીને રૂ।.૫૦-૫૦ હજારના જામીન પર મુક્ત કરવાનો હુકમ કર્યાે છે. આરોપી તરફથી વકીલ પૂર્વ ડીજીપી દિનેશભાઈ વિરાણી, જયદીપ મોલીયા, સિદ્ધાર્થ સાપરીયા, ડી.એ. ગોસ્વામી રોકાયા છે.

જો આપને આ પોસ્ટ ગમી હોય તો શેર કરો...