ઘર પાસે દેકારો કરતા શખ્સને ટપારનાર વૃદ્ધ દંપતી પર ચાર શખ્સ દ્વારા કરાયો હુમલા

Author: નોબત સમાચાર

ઘર પાસે દેકારો કરતા શખ્સને ટપારનાર વૃદ્ધ દંપતી પર ચાર શખ્સ દ્વારા કરાયો હુમલા

એસપીને અરજી પાઠવી રજૂઆત કરવામાં આવીઃ

જામનગર તા. ૧૪ઃ જામનગરના બર્ધન ચોક નજીક મુલ્લામેડીમાં રહેતા એક નિવૃત્ત બેંક કર્મચારીએ પોતાના ઘર પાસે રાત્રે દેકારો કરતા શખ્સો વિરૃદ્ધ પોલીસમાં અરજી કરતા આ વૃદ્ધ તથા તેમના પત્ની પર ચાર શખ્સે પાઈપથી હુમલો કર્યાની એસપીને અરજી કરવામાં આવી છે.

જામનગરના મુલ્લામેડી રોડ પર ડોસા પંજા ચોકમાં રહેતા નિવૃત્ત બેંક કર્મચારી યુસુફભાઈ અબ્દુલ્લા હમીરકાએ જિલ્લા પોલીસવડા સમક્ષ અરજી પાઠવી રજૂઆત કરી છે. તેમાં જણાવવામાં આવ્યા મુજબ તેમના ઘર પાસે મુસ્તુફા મકાતી વ્હોરા, મૂર્તુઝા હુસેની કેસરીયા સહિતના વ્યક્તિઓ પડ્યા પાથર્યા રહે છે. આ વ્યક્તિઓ ત્યાં દારૃ, સિગારેટ, જુગાર જેવી પ્રવૃત્તિઓ આચરતા હોય તે બાબતની રજૂઆત યુસુફભાઈએ અરજીના માધ્યમથી પોલીસમાં કરી હતી. તે બાબતથી ઉશ્કેરાયેલા મુસ્તુફા કમાતી, મૂર્તુઝા કેસરીયા અને બે અજાણ્યા શખ્સે રાત્રિના સમયે યુસુફભાઈના ઘર પાસે ફરીથી દેકારો કરતા તેઓને કહેવા ગયેલા યુસુફભાઈ અને તેમના પત્ની ખેરૃનબેન પર આ શખ્સોએ પાઈપથી હુમલો કરી માર માર્યાે હતો. હાથમાં ઈજા પામેલા ખેરૃનબેને સારવાર લેવી પડી છે. આ શખ્સો સામે કાયદાકીય કાર્યવાહી કરવા અરજીમાં માગણી કરવામાં આવી છે.

જો આપને આ પોસ્ટ ગમી હોય તો શેર કરો...