Author: નોબત સમાચાર
કનસુમરા પાટીયા પાસે હાઈડ્રો ક્રેઈને ઠોકર મારતા બાઈકચાલક વૃદ્ધનું મૃત્યુ
સિક્કામાં રિક્ષાનો યૂ-ટર્નઃ બાઈકચાલકને ફ્રેક્ચરઃ
જામનગર તા. ૧૫: જામનગરના કનસુમરા પાટીયા નજીક ગઈકાલે બપોરે એક બાઈકને હાઈડ્રો ક્રેઈને ઠોકર મારતા બાઈકચાલક વૃદ્ધનું મૃત્યુ નિપજ્યું છે. તેમના પુત્રએ પોલીસમાં ફરિયાદ નોંધાવી છે. સિક્કામાં આગળ જતી રિક્ષાએ અચાનક વળાંક લઈ લેતા તેની પાછળ બાઈક ટકરાઈ પડ્યું છે. જેમાં એક વ્યક્તિને ફ્રેકચર થઈ ગયું છે.
જામનગરના ગોકુલનગર વિસ્તારથી આગળ આવેલા સાંઢીયા પુલ પાસે કનસુમરાના પાટીયા નજીકથી ગઈકાલે બપોરે એકાદ વાગ્યે ગોકળભાઈ નાથાભાઈ કણઝારીયા નામના સતવારા વૃદ્ધ પોતાના બાઈક પર રોડ ક્રોસ કરતા હતા. ત્યારે પુરપાટ ઝડપે ધસી આવેલી હાઈડ્રો ક્રેઈનના ચાલકે તેઓને હડફેટે લીધા હતા.
ગંભીર ઈજા પામેલા ગોકળભાઈનું સારવારમાં ખસેડવામાં આવ્યા પછી મૃત્યુ નિપજ્યું છે. માધવ બાગ-૧માં કોપર સિટીમાં રહેતા તેમના પુત્ર પ્રદીપભાઈએ પોલીસમાં ફરિયાદ નોંધાવી છે.
જામનગર તાલુકાના સિક્કા ગામના આમીન ઈસ્માઈલ સંઘાર અને અન્ય વ્યક્તિ ગઈ તા.રની સાંજે સિક્કાથી બાઈકમાં પોતાના ઘર તરફ જતા હતા ત્યારે જીજે-૧૦-ટીબડલ્યુ ૭૬૨૯ નંબરની રિક્ષાચાલકે અચાનક યૂ-ટર્ન કરતા બાઈક તેની સાથે ટકરાયું હતું. રોડ પર પછડાયેલા આમીનભાઈને ફ્રેક્ચર સહિતની ઈજા થઈ છે. તેઓએ નાસી ગયેલા રિક્ષાચાલક સામે પોલીસમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
