Author: નોબત સમાચાર
જામનગરના ગુરૂદ્વારામાં આજે ગુરૂનાનક દેવજીની ૫૫૬મી જયંતી હર્ષભેર ઉજવાઈ
પ્રભાત ફેરી, સેહજપાઠ, શબ્દ કીર્તન અને લંગરમાં મોટી સંખ્યામાં ધર્મપ્રેમી ભાઈ-બહેનો જોડાયા
જામનગરના ગુરુદ્વારામાં ગુરુસિંઘ સભામાં આજે ગુરુનાનકજીની ૫૫૬મી જન્મ જયંતિ ની ઉજવણી ભારે ધામધૂમથી કરવામાં આવી હતી. જેમાં પરોઢિયે પ્રારંભે ગુરુદ્વારામાંથી પ્રભાત ફેરીનો આરંભ કરવામાં આવ્યો હતો, અને નગર ભ્રમણ કર્યું હતું, જેમાં અનેક શીખ સંપ્રદાયના ભાઈઓ બહેનો તથા સિંધી સમાજના ભાઈઓ બહેનો બહોળી સંખ્યામાં જોડાયા હતા. ઉપરાંત ગુરુ દ્વારા ગુરુસિંઘ સભામાં સેહજ પાઠનો પ્રારંભ કરાયો હતો, જેની આજે આજે ૫ નવેમ્બર ના દિવસે સમાપ્તિ કરવામાં આવી હતી, તે પછી શબ્દ કીર્તન અને ગુરુ કે લંગર (મહા પ્રસાદ)નું પણ આયોજન કરવા આવ્યુ છે, જેમાં શીખ સમાજના ભાઈઓ-બહેનો અને ધર્મપ્રેમી જનતા( સંગત) બહોળી સંખ્યામાં જોડાયા હતા. ગુરુનાનક દેવ જી ના જન્મ અવતાર માતા તૃપ્તાજી અને પિતા મેહતા કાલૂ જીના ઘરે નાનકાણા સાહેબ માં થયો હતો, જે હાલ પાકિસ્તાન માં છે , શીખ ધર્મ ના પહેલા ગુરુ ગુરુનાનક દેવજી હતા, તેમના ૩ સિદ્ધાંતો હતા 'નામ જપો; કીર્તન કરો અને વંડ છકો, અર્થાત હંમેશા ભગવાનને યાદ કરો, મહેનત કરો, અને એક બીજા હળી-મળીને સંપી ને લોકોની સેવા કરો, ગુરુનાનકજી એ આખી દુનિયાનું પરિભ્રમણ પણ કર્યું હતું. છેલ્લે તે કરતારપુરમાં રહેતા હતા, ત્યાં તે જોતીજોત સમાગ એ (દેવલોક) ગયા હતા. આજે સમગ્ર વિશ્વ ગુરુનાનક દેવજીની ૫૫૬મી જન્મ જયંતિ ઉજવી રહી છે, ત્યારે જામનગરના ગુરુદ્વાર માં પણ એક સપ્તાહમાં અલગ અલગ ધાર્મિક કાર્યકર્મો કરવામાં આવ્યા હતા, આજ રોજ ૧૦.૩૦ વાગે સેહજ પાઠજી ની સમાપ્તિ કરવા આવી હતી, તે પછી દિલ્હી થી વિશેષ મહેમાન ભાઈ સાહેબ જસપાલ સિંઘજી એ કથા,અને શબ્દ કીર્તન, કરવામાં આવ્યું હતું, જામનગર ગુરુદ્વારા સિંગ સભા કમિટી મેમ્બર હરપાલસિંહ ગુરુદ્વારા પ્રમુખ, મનજીત સિંગ ઉપ્પલ સેક્ટરી , હરદીપ સીંઘ ભોગલ, રણજીત સિંઘ લુભાના, વિકાસ લાંબા રમેશ લાલવાણી, અમરજીત સિંહ, તરજીત સિંઘ, ઉપસ્થિત રહ્યા હતા. અને 'ગુરુકા લંગર' પ્રસાદીનું આયોજન કરવા આવ્યુ હતું, જેમાં શીખ સમાજ અને સિંધી સમાજ લોકોએ બહોળી સંખ્યામાં ભાગ લીધો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
