જામનગરના જાયન્ટ્સ ગ્રુપ-વેસ્ટ દ્વારા અનેકવિધ સેવા કાર્યો કરાયા

Author: નોબત સમાચાર

જામનગરના જાયન્ટ્સ ગ્રુપ-વેસ્ટ દ્વારા અનેકવિધ સેવા કાર્યો કરાયા

જાયન્ટ્સ વીકની ઉજવણી અંતર્ગત

જામનગર તા. ૭: જાયન્ટ્સ ગ્રુપ ઓફ જામનગર વેસ્ટ દ્વારા જાયન્ટ્સ વીકની ઉજવણી અંતર્ગત વિવિધ સેવાકાર્યો હાથ ધરવામાં આવ્યા હતા. દાતા અલ્પેશભાઈ અને કુમુદ્દીની ડીસોઝા તરફથી ૧૧ શાળાઓમાં ફર્સ્ટ એઈડ કિટ આપવામાં આવી હતી. રાહત ભાવે બ્લડ ટેસ્ટીંગની કામગીરી કરવામાં આવી હતી. નિલેષભાઈ ગોહિલ તરફથી સ્લમ વિસ્તારના બાળકોને નાસ્તાનું વિતરણ કરવામાં આવ્યું હતું. દેહદાન, ચક્ષુદાન વગેરે કાર્ય કરવા માટે લોકોને પ્રોત્સાહિત કરવા પત્રિકાનું વિતરણ પ્રોજેક્ટ ડાયરેકટર પ્રમુખ કુમુદ્દીની ડીસોઝા તરફથી કરવામાં આવ્યું હતું. ડી.કે.વી. કોલેજમાં વૃક્ષારોપણ કરવામાં આવ્યું હતું. જી.જી. હોસ્પિટલમાં દેહદાનનો સંકલ્પ કરનાર અને વોલન્ટરી બ્લડ બેંકમાં કાયમી બ્લડ ડોનર કિરણબેન ધોકાઈનું શાલ તથા સ્મૃતિચિહ્ન વડે સનમાન કરવામાં આવ્યું હતું.

શ્રીમતી પાર્વતીદેવી વિદ્યામંદિરમાં ધો. ૮ અને ૯ના વિદ્યાર્થીઓ માટે જનરલ નોલેજ ક્વિઝ યોજવામાં આવી હતી. પ્રશ્નોના ઉત્તર આપનાર વિદ્યાર્થીઓને ઈનામ તથા ચોકલેટનું વિતરણ કરવામાં આવ્યુું હતું. જેનું સંચાલન ક્વિઝ માસ્ટર આનંદભાઈ દવેએ કર્યું હતું. આ સ્પર્ધાના પ્રોજેક્ટર ડાયરેક્ટર પ્રમુખ કુમુદ્દીની ડીસોઝા હતા.

આ વિવિધ સેવાકાર્યોમાં બ્લડ ડોનેશન ઓફિસર એ.ડી. જાડેજા, ચંદ્રેશભાઈ ભટ્ટ, નિશાબેન ભટ્ટ, વીણાબેન પાઠક, કુમુદીની ડીસોઝા વગેરે ઉપસ્થિત રહ્યા હતા.

જો આપને આ પોસ્ટ ગમી હોય તો શેર કરો...