Author: નોબત સમાચાર
મોટરમાં ઈંગ્લીશ દારૂની ૧૮૦ બોટલ લઈને જઈ રહેલા બે ઝડપાયાઃ બેના નામ ખૂલ્યા
દારૂ, મોટર, મોબાઈલ સહિત સાડા પાંચ લાખનો મુદ્દામાલઃ
જામનગર તા. ૨: જામનગરના સુભાષબ્રિજના ખૂણા પાસે ગઈરાત્રે એલસીબીએ પૂર્વ બાતમીના આધારે ગોઠવેલી વોચમાં એક મોટરમાંથી ૧૮૦ બોટલ દારૂ મળી આવ્યો છે. આ જથ્થા સાથે બે શખ્સ પકડાયા છે. જથ્થો મંગાવનાર તથા મોકલનારના નામ એલસીબીએ ઓકાવી રૂ.સાડા પાંચેક લાખનો મુદ્દામાલ કબજે કર્યાે છે અને ચારેય સામે ગુન્હો નોંધાવ્યો છે.
જામનગરના સુભાષબ્રિજ પાસે બે શખ્સ મોટરમાં ઈંગ્લીશ દારૂની હેરાફેરી કરી રહ્યા હોવાની બાતમી એલસીબીના યુવરાજસિંહ, કાસમ બ્લોચ, હીતેન્દ્રસિંહને મળતા પીઆઈ વી.એમ. લગારીયાના માર્ગદર્શન હેઠળ પીએસઆઈ પી.એન. મોરી, સી.એમ. કાંટેલીયાના વડપણ હેઠળની એલસીબી ટીમે ગઈરાત્રે નૂરી ચોકડી પરથી આવતા સુભાષબ્રિજ તરફના રોડ પર વોચ રાખી હતી.
તે દરમિયાન જીજે-૧૦-બીજી ૬૨૩૯ નંબરની સ્વીફટ મોટર પસાર થતા તેને રોકાવી તલાશી લેવામાં આવતા તેમાંથી ભારતીય બનાવટના અંગ્રેજી શરાબની જુદી જુદી બ્રાંડની ૧૮૦ બોટલ મળી આવી હતી. તે જથ્થા સાથે રામેશ્વરનગર નજીક પટેલવાડીની શેરી નં.૩માં રહેતા કરણ ગોરધનભાઈ રાજાણી અને ગુલાબનગરના સંજરી ચોક પાસે રહેતા કરણ નારાયણભાઈ ચેલારામાણી ઉર્ફે ડિસમીસ નામના બે સિંધી શખ્સ મળી આવ્યા હતા. આ શખ્સોની અટકાયત કરી રૂ.૨ લાખ ૩૪ હજારનો દારૂ, ત્રણ મોબાઈલ, ત્રણ લાખની મોટર કબજે કરી એલસીબીએ પૂછપરછ શરૂ કરતા દારૂનો આ જથ્થો ગ્રીન સિટીવાળા મેસી ઉર્ફે રાજીયા સિંધી કનૈયાલાલ પંજવાણીના કહેવાથી જોડિયાના દુધઈ ગામના લાલા ડાંગર ઉર્ફે બાપુ પાસેથી લીધો હોવાની કબૂલાત કરી છે.
જામનગરના રણજીત સાગર રોડ પર હર્ષદ મીલની ચાલી પાસેથી ગઈકાલે સાંજે નહેરૂનગરમાં રહેતો હિતેશ નાથાભાઈ રાઠોડ નામનો શખ્સ દારૂની અડધી બોટલ સાથે ઝડપાઈ ગયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
