Author: નોબત સમાચાર
ભાણવડના વેરાડમાં મકાનમાં વંડી ટપી ઘૂસેલા તસ્કરે ઉઠાવ્યા દાગીના તથા રોકડ
ફળીયામાં પડેલુ અડધા લાખનું બાઈક પણ ચોરાયું:
જામનગર તા. ૨૯: ભાણવડના વેરાડ ગામમાં આવેલા એક મકાનની વંડી ટપી ગયા મંગળવારની રાત્રિના સમયે ઘૂસેલા કોઈ તસ્કરે તે મકાનમાંથી રોકડ તથા સોનાના એક તોલા દાગીનાની ચોરી કરવા ઉપરાંત ત્યાંથી જ એક અન્ય આસામીનું રૂ.અડધા લાખનું બાઈક ચોરી કરી લીધુ છે.
દેવભૂમિ દ્વારકા જિલ્લાના ભાણવડના વેરાડ ગામમાં વસવાટ કરતા શાંતિલાલ ગોરધનભાઈ ભાણવડીયા નામના ખેડૂતના ત્યાં જ રહેતા માસી દક્ષાબેનના ઘરમાં ગયા મંગળવારની રાત્રે આઠ વાગ્યાથી બુધવારની સવારના સાત વાગ્યા સુધીમાં ચોરી થઈ છે.
આ મકાનમાં વંડી ટપી ઘૂસી ગયેલા કોઈ તસ્કરોએ મુખ્ય દરવાજાનું તાળુ તોડ્યા પછી અંદરથી રોકડા અને સોનાના એક તોલાના દાગીના મળી પોણા લાખની મત્તાની ચોરી કરી છે. તે ઉપરાંત આ શખ્સોએ તે મકાનમાં રહેતા જયદીપસિંહ ગુમાનસિંહ સોઢાનું જીજે-૩૭-એન ૯૪૦૧ નંબરનું મોટરસાયકલ પણ ઉઠાવી લીધુ છે.
ઉપરોક્ત ચોરીની ભાણવડ પોલીસ સ્ટેશનમાં શાંતિલાલ ગોરધનભાઈએ શનિવારે સાંજે ફરિયાદ નોંધાવી છે. પોલીસે કુલ રૂપિયા સવા લાખની મત્તા ચોરી જનાર અજાણ્યા તસ્કરો સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
