Author: નોબત સમાચાર
ભીમરાણામાંથી દારૂની ચાર બોટલ ઝડપાઈ
ધુતારપરમાં વાડીમાંથી દેશી દારૂની ભઠ્ઠી મળીઃ
જામનગર તા. ૧૦: ઓખામંડળના ભીમરાણા માંથી પોલીસે એક શખ્સને દારૂની ચાર બોટલ સાથે પકડી પાડ્યો છે. મીઠાપુરમાંથી એક શખ્સ બોટલ સાથે મળી આવ્યો છે. ધુતારપરમાં ખેતર સ્થિત ઓરડીમાંથી પોલીસે દેશી દારૂની ભઠ્ઠી પકડી પાડી છે.
ઓખામંડળના મીઠાપુર નજીકના ભીમરાણા ગામના પુલ પાસેથી ગઈકાલે બપોરે પસાર થતાં ધર્મેન્દ્રસિંહ ઘનશ્યામસિંહ વાઢેર નામના શખ્સને રોકાવી પેટ્રોલિંગમાં રહેલી મીઠાપુર પોલીસે તલાશી લેતા તેની પાસેથી ઈંગ્લીશ દારૂની ચાર બોટલ મળી આવી હતી.
મીઠાપુર નજીક ટાઉનશીપ પાસેથી ગઈકાલે બપોરે રોહિત રમણીકલાલ મોતીવરસ નામનો શખ્સ ઈંગ્લીશ દારૂની બોટલ સાથે ઝડપાઈ ગયો છે.
જામનગર તાલુકાના ધુતારપર ગામમાં પરસોત્તમ સોમાભાઈ સરસેવાડીયા નામના શખ્સના કબજાવાળા ખેતર સ્થિત ઓરડીમાં ગઈકાલે સાંજે પંચકોશી એ ડિવિઝન પોલીસે પૂર્વ બાતમીના આધારે દરોડો પાડતા ત્યાંથી દેશી દારૂની ભઠ્ઠી મળી આવી છે. પોલીસે સ્થળ પરથી તૈયાર દેશી દારૂ, આથો, બાફણીયુ તથા ભઠ્ઠીના સાધનો કબજે કરી પરસોત્તમની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
