Author: નોબત સમાચાર
ભાજપ દ્વારા "વન નેશન, વન ઈલેકશન" સંદર્ભમાં યોજાયા જનજાગૃતિ કાર્યક્રમોઃ વિજેતા સરપંચોનું સન્માન
દેવભૂમિ દ્વારકા તથા ખંભાળીયામાં
ખંભાળીયા તા. ૮: દેવભૂમિ દ્વારકા જિલ્લા ભાજપ દ્વારા ખંભાળીયા તથા દ્વારકામાં વન નેશન, વન ઈલેકશન સંદર્ભમાં જાગૃતિ કાર્યક્રમ તથા તાજેતરની ચૂંટણીઓમાં વિજેતા સરપંચોનો સન્માન સમારોહ કાર્યક્રમ યોજાયો હતો.
દ્વારકામાં નાગેશ્વર રોડ પર વીરમભા આશાભા માણેક ચેરીટેબલ ટ્રસ્ટની નંદી શાળામાં કાર્યક્રમ યોજાયો હતો. જેમાં ધારાસભ્ય પબુભા માણેક, ભાજપના પ્રદેશના વક્તા વિમલભાઈ કગથરા, જિલ્લા ભાજપ મહામંત્રી યુવરાજસિંહ વાઢેર તથા દ્વારકા તાલુકાના આગેવાનો મોટી સંખ્યામાં જોડાયા હતા. તથા પબુભા માણેક, યુવરાજસિંહ વાઢેર તથા વિમલભાઈ કગથરા દ્વારા પ્રાસંગિક પ્રવચનો કરાયા હતા. તથા વિજેતા સરપંચોનું સન્માન કરાયું હતું.
ખંભાળીયા પાલિકા ટાઉનહોલમાં મોટી સંખ્યામાં કાર્યકરોની ઉપસ્થિતિમાં આ કાર્યક્રમ યોજાયો હતો. જેમાં રાજ્યના વન અને પ્રવાસન મંત્રી મૂળુભાઈ બેરા, સાંસદ પૂનમબેન માડમ, જિલ્લા ભાજપ પ્રમુખ મયુરભાઈ ગઢવી, મહામંત્રી રસીકભાઈ નકુમ, ભરતભાઈ ગોજીયા, મશરીભાઈ નંદાણીયા, રાજુભાઈ સરસીયા, કિશોરસિંહ જાડેજા, પાલભાઈ કરમુર, જીતેન્દ્રભાઈ કણઝારીયા, ચિરાગ તન્ના જોડાયા હતા. વિજેતા સરપંચોનું સન્માન કરાયું હતું.
મંત્રી મૂળુભાઈ બેરા તથા પ્રદેશના મુખ્ય વક્તા તરીકે સાંસદ પૂનમબેન માડમ તથા મયુરભાઈ ગઢવી દ્વારા દેશની ગતિશીલતા તથા અર્થતંત્રમાં વેગ લાવવા વિક્સિત ભારત પ્રત્યેની કટિબદ્ધતા દર્શાવી એક દેશ એક ચૂંટણીના સંદર્ભમાં વિસ્તૃત માર્ગદર્શન આપ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
