પ.પૂ.શ્રી મહાસતીજી ધનકુંવરબાઈ સ્વામીની પુણ્યતિથિએ વ્યાખ્યાન-આયંબીલના કાર્યક્રમો

Author: નોબત સમાચાર

પ.પૂ.શ્રી મહાસતીજી ધનકુંવરબાઈ સ્વામીની પુણ્યતિથિએ વ્યાખ્યાન-આયંબીલના કાર્યક્રમો

જામનગરમાં તા. ૧૨ સપ્ટેમ્બરે આયોજનઃ

જામનગર તા. ૧૦: પ.પૂ. શ્રી મહાસતીજી ધનકુંવરબાઈ સ્વામીની ૩૨મી વાર્ષિક પુણ્યતિથિ નિમિત્તે વિવિધ કાર્યક્રમો તા. ૧૨-૯ને શુક્રવારે પ.પૂ. શ્રી મહાસતીજી ધનકુંવરબાઈ સ્વામીની ૩૨ મી વાર્ષિક પુણ્યતિથિ નિમિત્તે વિવિધ કાર્યક્રમો તા. ૧૨-૯ને શુક્રવારે પ.પૂ. શ્રી મહાસતીજી ધનકુંવરબાઈ સ્વામીનો ઉપાશ્રય, ચૌહાણ ફળી, દયારામ લાયબ્રેરી સામે, રણજીત રોડ, જામનગરમાં યોજાશે. જેમાં સવારે ૮:૩૦ થી ૯ મોટી સાધુવંદનાની પ્રાર્થના, સવારે ૯ થી ૧૦ ગુણાનુવાદ સાથે વ્યાખ્યાન, બપોરે ૨:૩૦ થી સાંજના ૫ વાગ્યા સુધી જાપ (જાપ સાથે ત્રણ-ત્રણ સામાયિકનું આયોજન ફકત બહેનો માટે જ છે.) સાંજે ૫:૩૦ વાગ્યે દાતાશ્રી સ્વ. મનહરલાલ ઓત્તમચંદ દડીયા (હસ્તે જયદેવીબેન દડીયા) તરફથી બટુક ભોજન રાખવામાં આવ્યું છે.

આ ઉપરાંત દાતાશ્રી સ્વ. દલસુખલાલ મોહનલાલ મહેતા હસ્તે જયશ્રીબેન દલસુખલાલ મહેતા પરિવાર તરફથી દાળીયા- મમરાની નિરાંભી આયંબીલ બપોરે ૧૨ વાગ્યે દશા શ્રીમાળી વણિક જ્ઞાતિની વાડી, રાજગોર ફળી, જામનગરમાં રાખવામાં આવી છે.

આ પ્રસંગે તેજપ્રકાશ ઉપાશ્રયમાં બીરાજતા પ.પૂ.ડો. સુભાષજી મહાસતીજી તથા પ.પૂ. શ્રી આકાંક્ષાજી મહાસતીજી પ્રાર્થના તથા વ્યાખ્યાનમાં ઉપસ્થિત રહેશે. તથા વ્યાખ્યાન કરશે. આથી સર્વે ધર્મપ્રેમી શ્રાવક-શ્રાવિકાઓએ બહોળી સંખ્યામાં ઉપસ્થિત રહીને કાર્યક્રમનો લાભ લેવા પ.પૂ. શ્રી મહાસતીજી ધનકુંવરબાઈ સ્વામી ભકત મંડળ દ્વારા જણાવાયું છે.

જો આપને આ પોસ્ટ ગમી હોય તો શેર કરો...