Author: નોબત સમાચાર
પાકિસ્તાન-સાઉથ આફ્રિકાની ક્રિકેટ મેચ પર સટ્ટો રમતા શખ્સની કરાઈ અટકાયત
દિગ્વિજય પ્લોટમાંથી પોલીસે પકડી પાડ્યોઃ
જામનગર તા. ૭: જામનગરના દિગ્વિજય પ્લોટ વિસ્તારની શેરી નં.પ૮માંથી ગઈકાલે પોલીસે એક શખ્સને પાકિસ્તાનમાં રમાતી વનડે મેચનો સ્કોર નિહાળી સટ્ટો રમતો પકડી પાડ્યો છે. પોલીસે તેનો મોબાઈલ તથા રોકડ કબજે કર્યા છે. એક સાગરિતનું નામ ખૂલ્યું છે.
જામનગરના દિગ્વિજય પ્લોટ વિસ્તારની શેરી નં.પ૮માં એક દવાખાના પાસે ઉભો રહી એક શખ્સ ગઈકાલે સાંજે મોબાઈલમાં સટ્ટો રમતો હોવાની બાતમી પરથી સિટી એ ડિવિઝનના સર્વેલન્સ સ્ટાફે નિત્યાનંદ દવાખાના પાસે દરોડો પાડ્યો હતો.
આ સ્થળેથી પાણીના ટાંકા નજીક રહેતો દિનેશ માવ ઉર્ફે શેડો આસરીયા નામનો શખ્સ મળી આવ્યો હતો. આ શખ્સ પોતાના મોબાઈલમાં એક એપ પરથી ગઈકાલે પાકિસ્તાનમાં રમાતા પાકિસ્તાન તથા સાઉથ આફ્રિકાની ક્રિકેટ ટીમના વનડે મેચનો લાઈવ સ્કોર નિહાળી રનફેર સહિતના સોદા કરતો મળી આવ્યો હતો.
પોલીસે આ શખ્સની અટકાયત કરી તેનો મોબાઈલ તથા રોકડ કબજે કર્યા છે. પૂછપરછમાં આ શખ્સે પોતાના સાગરિત સમીર પીંજારાનું નામ આપ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
