કલ્યાણપુર તાલુકાના રાણમાં વિકાસ રથનું આગમનઃ ભારત વિકાસ પ્રતિજ્ઞા, પૌષ્ટિક વાનગી

Author: નોબત સમાચાર

કલ્યાણપુર તાલુકાના રાણમાં વિકાસ રથનું આગમનઃ ભારત વિકાસ પ્રતિજ્ઞા, પૌષ્ટિક વાનગી

જિલ્લા વિકાસ અધિકારીની પ્રેરક ઉપસ્થિતિમાં

ખંભાળિયા તા. ૧૬: સમગ્ર રાજ્યમાં ૨૪ વર્ષઃ જનવિશ્વાસ, સેવા અને સમર્પણના કેન્દ્રવર્તી વિચાર સાથે વિકાસ સપ્તાહની ઉજવણી થઈ રહી છે ત્યારે દેવભુમિ દ્વારકા જિલ્લામાં કલ્યાણપુર તાલુકાના રાણ ગામે વિકાસ રથ આવી પહોંચતા જિલ્લા વિકાસ અધિકારી એ.બી. પાંડોરે ગ્રામ અગ્રણીઓ સાથે રથનું સ્વાગત કર્યું હતું.

જિલ્લા વિકાસ અધિકારીએ પોતાના ઉદબોધનમાં વિકાસ સપ્તાહ ઉજવણીનો હેતુ સમજાવી તમામ જરૂરિયાત ધરાવતા લાભાર્થી યોજનાઓનો લાભ મળે માટે પ્રયત્ન કરવા સૌને અપીલ કરી હતી. વધુમાં તેઓશ્રીએ આગામી તહેવારોની ખરીદીમાં સ્વદેશી ઉત્પાદનો ખરીદવા અને આત્મનિર્ભર ભારત માટે યોગદાન આપવા સૌને પ્રેરીત કર્યાં હતાં.

ગામની બાળાઓ દ્વારા મહાનુભાવોનું સ્વાગત કરવામાં આવ્યું હતું. રથ પર એલ.ઈ.ડી. સ્ક્રિન દ્વારા માહિતીસભર વિડિયો દર્શાવવામાં આવી હતી. ઉપસ્થિત ગ્રામજનોને વિવિધ જનકલ્યાણલક્ષી યોજનાઓની માહિતી આપવામાં આવી હતી. આઈ.સી.ડી.એસ. વિભાગના કર્મચારીઓ દ્વારા પૌષ્ટિક, સ્વાદિષ્ટ અને બનાવવામાં સરળ વિવિધ વાનગીઓનું પ્રદર્શન યોજવામાં આવ્યું હતું. ભારત વિકાસ પ્રતિજ્ઞા દ્વારા ગ્રામજનો રાષ્ટ્ર્ના વિકાસ માટે મહેનત કરવા, દેશના સમૃદ્ધ વારસાનું સંવર્ધન કરવા અને 'એક ભારત શ્રેષ્ઠ ભારત' અર્થે સર્વ સમાવેશી અભિગમ કેળવવા પ્રતિબદ્ધ થયાં હતાં. આ પ્રસંગે તાલુકા વિકાસ અધિકારીશ્રી ગૌરવ પરમાર અને ગામ અગ્રણીઓ તેમજ ગ્રામજનો મોટી સંખ્યામાં ઉપસ્થિત રહૃાાં હતાં.

જો આપને આ પોસ્ટ ગમી હોય તો શેર કરો...