Author: નોબત સમાચાર
જામનગર જિલ્લા સહકારી સંઘ દ્વારા નિબંધ સ્પર્ધા
સહકાર સપ્તાહની ઉજવણી અંતર્ગત
જામનગર તા. ૪: આંતરરાષ્ટ્રીય સહકારી વર્ષની ઉજવણી તેમજ સહકાર મંત્રાલય દ્વારા જાહેર કરાયેલા 'સહકાર સપ્તાહ' ઉજવણી કાર્યક્રમ અંતર્ગત જિલ્લા પંચાયતનગર એજ્યુકેશન એન્ડ સોશ્યલ ડેવલોપમેન્ટ ટ્રસ્ટ સંચાલિત શાંડિલ્ય વિદ્યાલયમાં સ્કૂલના બાળકો માટે 'સહકારી પ્રવૃત્તિનો ઉદ્ભવ' વિષય ઉપર એક નિબંધ સ્પર્ધા યોજવામાં આવી હતી. જેમાં ધોરણ ૮ ના વિદ્યાર્થીઓ અને વિદ્યાર્થિનિઓએ ભાગ લીધો હતો. આ પ્રસંગે જામનગર જિલ્લા સહકારી સંઘના એક્ઝિક્યુટીવ ઓફિસર પ્રજ્ઞેશ પી.નાકરાણી અને જિલ્લા રજીસ્ટ્રાર સહકારી મંડળીઓ-જામનગરની કચેરીના ઓફિસ સુપ્રિન્ટેન્ડેન્ટ કટારમલે વિદ્યાર્થીઓને સહકારી પ્રવૃત્તિ વિશે સમજણ આપી હતી.
આ નિબંધ સ્પર્ધામાં ભાગ લેનાર વિદ્યાર્થીઓમાંથી પ્રથમ ત્રણ નંબરે આવનારને જામનગર જિલ્લા સહકારી સંઘ દ્વારા પુરસ્કાર આપી પ્રોસ્તાહિત કરવામાં આવ્યા હતા. આ પ્રસંગે શાળાના પ્રિન્સિપાલ જુનેદભાઈ માકડીયા, વાઈસ પ્રિન્સિપાલ કોમલબેન જાની તેમજ અન્ય સ્ટાફ પણ ઉપસ્થિત હતો. આ નિબંધ સ્પર્ધાને સફળ બનાવવા પંચાયતનગર એજ્યુકેશન એન્ડ સોશ્યલ ડેવલોપમેન્ટ ટ્રસ્ટના મેનેજીંગ ડીરેક્ટર તેમજ સહકારી આગેવાન દેવેન્દ્રસિંહ પરમારે સહયોગ આપ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
