Author: નોબત સમાચાર
દેવભૂમિ દ્વારકા જિલ્લાની શાળાઓમાં શિક્ષકોની ઘટ અંગે કરાઈ રજૂઆત
જિલ્લા કોંગ્રેસ પ્રમુખ દ્વારા
ખંભાળિયા તા. ૩૦: દેવભૂમિ દ્વારકા જિલ્લા કોંગ્રેસ પ્રમુખ પાલભાઈ આંબલિયાએ રાજ્યના મુખ્યમંત્રીને રજૂઆત કરીને દ્વારકા જિલ્લામાં પ્રાથમિક શિક્ષકોની તાકીદે જગ્યાઓ ભરવા માગ કરાઈ છે.
તેમણે જણાવેલ કે ૩૧પ૦ નું મંજુર મહેકમ છે. પ્રાથમિક શિક્ષકોનું તેમાં ૧૩૦૦ જગ્યાઓ ખાલી છે અને રપ૦ જિલ્લા બદલીથી ખાલી થતા ૧પપ૦ ખાલી છે જે અડધી જેટલી છે. શિક્ષક જ ના હોય તો વિદ્યાર્થી ભણે કઈ રીતે?
હાલ ૧૬૦૦ શિક્ષકો દ્વારકા જિલ્લામાં કામ કરે છે, તેમાંથી પણ ૮૦૦ જેટલા શિક્ષકોને બીજા કામ સરકારી કામોમાં રોકાયેલા રખાતા હોય, ૩૧પ૦ ની જગ્યા સામે માંડ ૮૦૦ જેટલા જ કામ કરતા હોય, દ્વારકા જિલ્લાની શિક્ષણની આવી સ્થિતિ હોય તો આમાં વિદ્યાર્થી કઈ રીતે ભણે? ભાજપ ગુજરાત સરકારનું ખાસ સૂત્ર છે કે ભણશે ગુજરાત પણ શિક્ષકો જ ના હોય તો છાત્રો કઈ રીતે ભણે? અને હાલમાં વ્યાયામ શિક્ષકો જ પ્રાથમિક શાળાઓમાં નથી તો સરકારનું બીજુ સૂત્ર છે રમશે ગુજરાત, પણ રમાડનાર શિક્ષકો વગર કઈ રીતે રમશે?
દ્વારકા જિલ્લામાં તાકીદે કાયમી શિક્ષકોની નિયુક્તિ કરવા અને જ્યાં સુધી કાયમી શિક્ષકો ના આવે ત્યાં સુધી સ્પેશ્યલ અવેજી શિક્ષકોને શાળાઓામાં મૂકવા ખાસ માંગણી કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
