| | |

કાલાવડ તથા સલાયામાં જુગારના બે દરોડાઃ નવ શખ્સો ઝડપાયા

જામનગર તા. ૧૫ઃ કાલાવડ તેમજ સલાયામાં ગઈકાલે પોલીસે પૂર્વબાતમીના આધારે બે દરોડા પાડી નવ શખ્સોને ગંજીપાના કૂટતા પકડી પાડ્યા છે જ્યારે નગરમાંથી ચાર શખ્સો ચલણી સિક્કો ઉછાળી પૈસાની હારજીત કરતા ઝડપાયા છે.

કાલાવડના કુંભનાથપરામાં ગઈકાલે રાત્રે જાહેરમાં તીનપત્તી રમી રહેલા વસીમ કાસમ નોયડા, જુમ્મા કાસમ સંધી, લખમણભાઈ પ્રેમજીભાઈ પટેલ, મામદભાઈ અલ્લારખા થય્યમ નામના ચાર શખ્સોને પોલીસે પકડી પાડી પટ્ટમાંથી રૃા. ૮૫૮૦ રોકડા, ત્રણ મોબાઈલ કબજે કરી ગુન્હો નોંધ્યો છે.

જામનગરના જુના રેલવે સ્ટેશન નજીકના ભીમવાસની શેરી નં. ૨માં ગઈરાત્રે જાહેરમાં ચલણી સિક્કો ઉછાળી પૈસાની હારજીત કરી રહેલા ભાવેશ દેવજીભાઈ ધુલીયા, કિશોર ભીમજીભાઈ સુવા, મહેશ મનજીભાઈ રાઠોડ, નરેન્દ્ર મનજીભાઈ વાઘેલા નામના ચાર શખ્સોની પોલીસે પકડી પાડી રૃા. ૧૧,૧૯૧ ઝબ્બે લીધા છે.

ખંભાળીયા તાલુકાના સલાયામાં ગઈકાલે સાંજે જાહેરમાં તીનપત્તી રમતા નઝીર ઈસ્માઈલ સંઘા, ઈસ્માઈલ તાલબ ભાયા, હસન સાલેમામદ ગંધાર, આદમ તાલબ સંઘાર તથા દાઉદ અબ્દુલ ચમડીયા નામના પાંચ શખ્સોને પોલીસે પકડી પાડી રૃા. ૨૧૪૦ કબજે કર્યા છે.

close
Nobat Varsik Lavajam Yojna 2020-21
close
PPE Kit