Author: નોબત સમાચાર
અગાઉની માથાકૂટનો ખાર રાખી યુવાન પર ચાર શખ્સનો તલવાર-પાઈપથી હુમલો
ઉઘરાણી કરાતા કાલાવડમાં યુવકને લમધારી નખાયોઃ
જામનગર તા.૧૫ ઃ જામનગરની ગ્રેઈન માર્કેટમાં એક યુવાન પર ગુરૃવારની રાત્રે બાઈક પર ધસી આવેલા ચાર શખ્સે અગાઉની માથાકૂટનો ખાર રાખી તલવાર, પાઈપ વડે હુમલો કરી ગંભીર ઈજા પહોંચાડી હતી. જ્યારે હાથઉછીની આપેલી રકમની માંગણી કરનાર કાલાવડના યુવાનને ઘરે જઈ ચાર શખ્સે લમધાર્યાે હતો.
જામનગરના સાધના કોલોની વિસ્તારમાં રહેતા હર્ષ ૫રેશભાઈ મહેતા નામના યુવાનને થોડા દિવસ પહેલા સાધનાકોલોનીવાળા પુનીત બિપીનભાઈ દાણીધારીયા સાથે બોલાચાલી થઈ હતી. તે દરમિયાન ગુરૃવારે રાત્રે ગ્રેઈન માર્કેટમાં હર્ષ મહેતાને પુનીત તેમજ વંશરાજસિંહ ગજેન્દ્રસિંહ, દુષ્યંતસિંહ ભરતસિંહ પીંગળ, ગજેન્દ્રસિંહ દિલીપસિંહ નામના ચાર શખ્સોએ તલવાર, પાઈપથી બેફામ માર માર્યાે હતો. સારવાર માટે દવાખાને ખસેડાયેલા હર્ષ મહેતાએ ગઈકાલે સાંજે સિટી-બી ડિવિઝન પોલીસ સ્ટેશનમાં ચારેય હુમલોખોર સામે ફરિયાદ નોંધાવી છે.
કાલાવડ શહેરમાં કૃષ્ણ નગરમાં રહેતા અનિલભાઈ પ્રેમજીભાઈ દોંગા નામના પટેલ યુવાન ગુરૃવારે રાત્રે પોતાના ઘરે હતા ત્યારે ત્યાં ધસી આવેલા વલ્લભ વિરજીભાઈ કપુરીયા, ધર્મેશ અકબરી, રવિ સાકરીયા, પ્રવીણ વિનુભાઈ કપુરીયા નામના ચાર શખ્સોએ ગાળો ભાંડી ધોકા-પાઈપથી હુમલો કર્યાે હતો. વચ્ચે પડનાર અનિલભાઈના પત્નીને પણ ધોકો ફટકારવામાં આવ્યો હતો. પાંચેક વર્ષ પહેલા અનિલભાઈ એ હાથઉછીની રકમ વલ્લભ કપુરીયાને આપી હતી. તે રકમની ઉઘરાણી કરવા અનિલભાઈએ ફોન કરતા પૈસા નથી આપવા તેમ કહી ઘરે આવી ચારેય શખ્સે હુમલો કર્યાનું પોલીસ ફરિયાદમાં જણાવવામાં આવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
