Author: નોબત સમાચાર
હરમન શ્રેષ્ઠ ક્રિકેટ રમીને મહિલાઓને વધુ ગૌરવ અપાવશેઃ શ્રીમતી નીતાબેન અંબાણી
મુંબઈ ઈન્ડિયન્સે પ્રિમિયર લીગની પહેલી સિઝન પહેલા કરી જાહેરાત
મુંબઈ તા. રઃ હરમન અમારી મહિલા ટીમને શ્રેષ્ઠ ક્રિકેટ રમવા માટે પ્રેરિત કરશે અને રમત-ગમતમાં મહિલાઓને વધુ ગૌરવ અપાવશે તેમ શ્રીમતી નીતા એમ. અંબાણીએ જણાવ્યું છે.
મુંબઈ ઈન્ડિયન્સે વિમેન્સ પ્રિમિયર લીગની પહેલી સિઝન અગાઉ હરમનપ્રીત કૌરની મહિલા ટીમના કેપ્ટન તરીકે જાહેરાત કરી છે. હરમન તાજેતરમાં જ ૧પ૦ ટી-ર૦ ઈન્ટરનેશનલ રમનારી પ્રથમ ક્રિકેટર બની છે. અર્જુન પુરસ્કાર વિજેતા રાષ્ટ્રીય ટીમના સુકાની પાસે જીતનો નક્કર રેકોર્ડ છે અને સૌથી વધુ વ્યક્તિગત સ્કોર (૧૭૧) નો રેકોર્ડ પણ ધરાવે છે.
આ અંગે શ્રીમતી નીતા એમ. અંબાણીએ કહ્યું કે, "અમે હરમન પ્રીતને મુંબઈ ઈન્ડિયન્સની પ્રથમ મહિલા ક્રિકેટ ટીમના કેપ્ટન તરીકે મેળવીને રોમાંચિત છીએ, રાષ્ટ્રીય કેપ્ટન તરીકે ભારતીય મહિલા ટીમને કેટલીક સૌથી આકર્ષક જીત અપાવી છે અને મને ખાતરી છે કે, શાર્લોટ અને ઝુલનની મદદથી તેઓ અમારી એમઆઈ મહિલા ટીમને તેમનું શ્રેષ્ઠ ક્રિકેટ રમવા, ગર્વની ભાવના પ્રદર્શિત કરવા અને રમતોમાં મહિલાઓને વધુ ગૌરવ અપાવવા માટે પ્રેરિત કરશે. તેણી ભારતીય ક્રિકેટનું શ્રેષ્ઠ પ્રદર્શન કરવામાં પ્રભાવશાળી રહી છે. તે હવે એવી ટીમનું નેતૃત્વ કરશે જેમાં મહિલા ક્રિકેટના કેટલાક મોટા નામો અને યુવા ખેલાડીઓ તેમની પ્રતિભા દર્શાવવા આતુર છે કારણ કે, મુંબઈ ઈન્ડિયન્સ વૈશ્વિક ક્રિકેટ માટે પ્રતિભાની નર્સરી બની રહી છે.
મુંબઈ ઈન્ડિયન્સ વિમેન્સ પ્રિમિયર લીગ-ર૦ર૩ ની સિઝન પહેલી મેચ ચોથી માર્ચ-ર૦ર૩ ના ગુજરાત જાયન્ટ્સ સામે ડી.વાય. પાટિલ સ્ટેડિયમમાં રમશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
