| | |

ખંભાળીયાના જુવાનગઢમાં જુગાર ઝડપાયો

જામનગર તા. ૧૦ઃ ખંભાળીયાના જુવાનગઢ ગામની સીમમાં ગઈકાલે જાહેરમાં જુગાર રમતા આઠ શખ્સોને પોલીસે પકડી લઈ પટ્ટમાંથી રોકડ તેમજ ટોર્ચ બત્તી સહિતનો મુદ્દામાલ કબજે કર્યો છે.

ખંભાળીયા તાલુકાના જુવાનગઢ ગામની સીમમાં નદીના કાંઠે ગઈકાલે રાત્રે કેટલાક શખ્સો જાહેરમાં તીનપત્તી રમતા હોવાની બાતમી પરથી ખંભાળીયા પોલીસે દરોડો પાડ્યો હતો. આ સ્થળેથી ટોર્ચ લાઈટના અજવાળામાં ગંજીપાના કૂટતા માલદેભાઈ રામાભાઈ રાવલીયા, રામાભાઈ ધાનાભાઈ ચંદ્રાવડીયા, આલાભાઈ વજસીભાઈ સુવા, ભીમાભાઈ માલદેભાઈ નંદાણીયા, ભીમાભાઈ વજસીભાઈ ડાંગર, ભીમાભાઈ નાનજીભાઈ ડાભી, નારણભાઈ ડાડુભાઈ ચંદ્રાવડીયા તથા ધાનાભાઈ રણમલભાઈ ચંદ્રાવડીયા નામના આઠ શખ્સો મળી આવ્યા હતાંં. પોલીસે પટ્ટમાંથી રૃા. ૨૪,૭૮૦ રોકડા અને ટોર્ચ બત્તી સહિતનો મુદ્દામાલ કબજે કરી જુગારધારાની કલમ ૧૨ હેઠળ ગુન્હો નોંધ્યો છે.

close
Nobat Varsik Lavajam Yojna 2020-21
close
PPE Kit