ભાઈના ઘેર દાગીના લેવા આવેલા બહેનને ઢીકાપાટુથી માર મારી પતાવી દેવા ધમકી

સીમાણી કાલાવડ ગામના મહિલાએ નોંધાવી ફરિયાદઃ

                                                                                                                                                                                                      

જામનગર તા. ૨: જામનગરના નિલકંઠ પાર્કમાં રહેતા પોતાના ભાઈના ઘેર દાગીના પરત લેવા આવેલા ખંભાળિયા તાલુકાના સીમાણી કાલાવડ ગામના મહિલાને ગાળો ભાંડી ઢીકાપાટુથી માર મારવા ઉપરાંત ભાઈએ વાળ પકડી રોડ પર ઢસડીને મારી નાખવાની ધમકી આપી હતી.

જામનગરના ખોડિયાર કોલોની વિસ્તારથી આગળ આવેલા નિલકંઠ પાર્કમાં રહેતા મહાવીરસિંહ નરેન્દ્રસિંહ સરવૈયા સામે ખંભાળિયા તાલુકાના સીમાણી કાલાવડ ગામમાં રહેતા તેમના બહેન કૌશલ્યાબા જયરાજસિંહ જાડેજાએ સિટી સી ડિવિઝન પોલીસ સ્ટેશનમાં ફરિયાદ નોંધાવી છે.

ફરિયાદમાં જણાવવામાં આવ્યા મુજબ કૌશલ્યાબા પાસેથી તેમના ભાઈ મહાવીરસિંહ દાગીના લઈ આવ્યા હતા. તે દાગીના કૌશલ્યાબાએ પરત માંગ્યા પછી ગઈકાલે સાંજે કૌશલ્યાબા જામનગરમાં નિલકંઠ પાર્કની શેરી નં.૩માં ભાઈના ઘેર આવ્યા હતા. જ્યાં તેઓએ ફરીથી દાગીના માંગતા ઉશ્કેરાયેલા મહાવીરસિંહે તેઓને ગાળો ભાંડી ઢીકાપાટુથી માર મારવા ઉપરાંત રોડ પર ઢસડીને પતાવી દેવાની ધમકી આપી હતી. પોલીસે બીએનએસની કલમ ૧૧૫ (ર), ૩૫૧ (૩), ૩પર હેઠળ ગુન્હો નોંધી તપાસ શરૂ કરી છે.

જો આપને આ પોસ્ટ ગમી હોય તો શેર કરો...

Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial