Author: નોબત સમાચાર
સાસુએ કરેલી ફરિયાદમાં સમાધાન કરી લેવાનું કહી જમાઈએ પત્નીને આપી ધમકી
પત્નીના બ્યુટીપાર્લર પર જઈ મચાવી ધમાલઃ
જામનગર તા. ૩૧: ધ્રોલમાં બ્યુટીપાર્લર ચલાવતા એક યુવતીના પાર્લર પર જઈ રવિવારે બપોરે તેણીના પતિએ હાથ-પગ ભાંગી નાખવાની ધમકી આપવા ઉપરાંત તેણીના ભાઈને મોબાઈલ પર ગાળો ભાંડી હતી. આ યુવતીના માતાએ જમાઈ સામે કરેલી ફરિયાદમાં સમાધાન કરી લેવાનું કહી ધમાલ મચાવાયાનું પોલીસ ફરિયાદમાં જણાવાયું છે.
ધ્રોલની રાધે પાર્ક સોસાયટીમાં વસવાટ કરતા અને ધ્રોલની બજારમાં બ્યુટીપાર્લર ચલાવતા અમરીનબેન અનવરભાઈ (ઉ.વ.૩ર) નામના યુવતી ગયા રવિવારે બપોરે પોતાના અમુ બ્યુટી પાર્લર પર હાજર હતા ત્યારે તેમના પતિ મોહસીન કાસમભાઈ ગાધ દોડી આવ્યા હતા.
અગાઉ મોહસીન સામે તેના સાસુ અને અમરીનબેનના માતાએ પોલીસમાં ફરિયાદ કરી હતી. તે ફરિયાદમાં સમાધાન કરી લેવાનું કહી મોહસીને ધમાલ મચાવી હતી.
આ શખ્સે પોતાના પત્નીને ગાળો ભાંડવા ઉપરાંત સમાધાન નહીં કરો તો હાથ-પગ ભાંગી નાખીશ તેવી ધમકી આપી હતી અને અમરીબેનના ભાઈ અકરમને ફોન પર ગાળો ભાંડી પતાવી દેવાની ધમકી આપી હતી. ધ્રોલ પોલીસ સ્ટેશનમાં અમરીનબેને ફરિયાદ નોંધાવી છે. પોલીસે મોહસીન કાસમની ધરપકડ માટે તજવીજ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
