Author: નોબત સમાચાર
ખંભાળિયામાં જંગી ખર્ચે નિર્મિત સ્વીમીંગ પુલ બન્યો અવાવરૃઃ સવાબે વર્ષથી ખંભાતી તાળા!
કહેવાતા જાગૃત નાગરિકો અને નિવેદનિયા નેતાઓનો ફિયાસ્કો
ખંભાળિયા તા. ૧૪: ખંભાળિયાની નગરપાલિકા એ ગ્રેડની હોવા છતાં પણ પાલિકાના શાસકોની ઉદાસીનતા કે ભાજપના પ્રભારીની નબળાઈ ગણો કે બીજુ ગત્ વખતના પ્રમુખના સમયમાં સવાબે વર્ષ પહેલા ઉદ્ઘાટનકરેલ લાખો રૂપિયાનો આધુનિક સગવડતાવાળો સ્વીમીંગ પુલ કે જે ખૂબ જ સગવડતાવાળો બનાવાયેલ અને છેલ્લે પાલિકા પ્રમુખની મુદ્ત પૂર્ણ થતી હતી તે વખતે લોકાર્પણ થયેલું તેના સવાબે વર્ષ પછી પણ હજુ સ્વીમીંગ પુલને ખંભાતી તાળા જ છે.
સારી સગવડો સાથેનો સ્વીમીંગ પુલ ખંભાળિયામાં એક માત્ર છે કેમ કે એક પણ સરકારી કે ખાનગી સ્વીમીંગ પુલ ખંભાળિયામાં નથી તો બીજું અગાઉ ઘી નદીમાં લોકો નાહવા જતા તેથી જુના લોકો બધા જ તરવૈયા છે. તરતા આવડે છે પણ નવી પેઢીના ત્યાં પણ 'ગાંડીવેલ'નું સામ્રાજ્ય હોવાથી જઈ શકતા નથી ત્યારે લાખોના ખર્ચે સરકારની ગ્રાન્ટનો ઉપયોગ કરીને બનેલ સ્વીમીંગ પુલ તાકીદે ચાલુ કરવા માગ થઈ રહી છે.
ધીમી ગતિએ ચાલતા વિકાસ કાર્યના સંદર્ભમાં લોકો રમૂજ કરે છે કે શિયાળાની શરૂઆત થવાની છે ત્યાં ખંભાળીયા નગરપાલિકા સ્વીમીંગ પુલ ચાલુ કરવા તજવીજ કરે તો ઉનાળામાં 'કદાચ' થાય અને સ્વીકીંગ કરી શકાય. કેમ કે શિયાળામાં હાલની બોડીનો સમય પણ પૂરો થાય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
