Author: નોબત સમાચાર
જીલ્લામાં ગંજીપાનાથી જુગાર રમતા છ મહિલા સહિત ચોવીસ ઝડપાયા
જામનગર તા. ૫: ભાણવડના મોડપર ગામમાંથી છ મહિલા સહિત સાત વ્યક્તિ તીનપત્તી રમતા પકડાયા છે. જ્યારે વેરાડ તથા ફતેપરમાંથી અગિયાર પત્તાપ્રેમી ઝડપાઈ ગયા છે. કલ્યાણપુરના ખીજદળમાંથી છ શખ્સ રોનપોલીસ રમતા ઝડપાયા છે.
દેવભૂમિ દ્વારકા જિલ્લાના ભાણવડ તાલુકાના વેરાડ ગામમાં બુધવારની રાત્રે ગંજીપાના વડે જુગાર રમતા ભરતભાઈ ત્રિકમભાઈ કનેરીયા, હિતેશ લખમણભાઈ ખીરસરીયા, અક્ષય પ્રફુલભાઈ આરદેસણા, સતિષ ભીખુભાઈ માણસુરીયા, સુરેશભાઈ વિઠ્ઠલભાઈ કલોલા, મેહુલ જયસુખભાઈ ફળદુ નામના છ શખ્સ ઝડપાઈ ગયા હતા. પોલીસે પટમાંથી રૂ.૧૧૨૮૦ કબજે કર્યા છે.
ભાણવડ તાલુકાના ફતેપુર ગામમાં બુધવારની રાત્રે તીનપત્તી રમતા સામતભાઈ ભીમાભાઈ રાવલીયા, વિનોદ બાબુભાઈ રાવલીયા, પિયુષ સામતભાઈ રાવલીયા, વાલાભાઈ રણમલભાઈ પીપરોતર, રમેશભાઈ નારણભાઈ કદાવલા નામના પાંચ શખ્સને પોલીસે દબોચી લઈ રૂ.૧૦૬૨૦ ઝબ્બે લીધા છે.
ભાણવડ તાલુકાના મોડપર ગામમાં ગઈકાલે સાંજે રોનપોલીસ રમતા રાજુ જેઠાભાઈ ભોચીયા, મનિષાબેન ભાવેશભાઈ લુદરીયા, મદીનાબેન બાવાશા સરવદી, પૂજાબેન મનસુખભાઈ પરમાર, રઝીયાબેન સાહીદભાઈ સરવદી, રસીદાબેન મામદભાઈ નાગલા, વીલીબેન કારાભાઈ ગોજીયા નામના સાત વ્યક્તિને પોલીસે પકડી લઈ રૂ.૧૪૫૮૦ કબજે કર્યા છે.
કલ્યાણપુર તાલુકાના ખીજદળ ગામમાં બુધવારની રાત્રે જનકસિંહ મોટુભા જાડેજા, સહદેવસિંહ ભીખુભા જાડેજા, ક્રિપાલસિંહ નથુભા જાડેજા, અનુભા મદારસંગ જાડેજા, નીરૂભા ખીમાજી જાડેજા, ભીખુભા બચુભા જાડેજા નામના છ શખ્સ પોલીસના દરોડામાં જુગાર રમતા ઝડપાઈ ગયા હતા. પટમાંથી રૂ.૩૧૮૧૦ રોકડા, ચાર મોબાઈલ મળી આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
