Author: નોબત સમાચાર
પોસીત્રાના દરિયામાં ચાક ટાપુ પાસે માછીમારી કરવા પહોંચેલા છને પકડતી આરએફઓ ટીમ
ટાપુ પાસે ગેરકાયદે અપપ્રવેશ અંગે કરાઈ કાર્યવાહીઃ
ખંભાળિયા તા. ૨૪: દ્વારકા નજીકના પોસીત્રા બંદર પાસે આવેલા ચાક ટાપુ પર કેટલાક શખ્સો ગેરકાયદેસર રીતે માછીમારી માટે પહોંચી ગયા હતા. તેની બાતમી રેન્જ ફોરેસ્ટ ઓફિસર અને તેમની ટીમને મળતા ત્યાં ધસી ગયેલી ટૂકડીએ સિક્કા, સલાયા તથા ભરાણાના છ માછીમારને પકડી પાડ્યા છે. આ શખ્સોની બોટ કબજે કરી લેવામાં આવી છે અને આ ટાપુ પર અપપ્રવેશનો ગુન્હો નોંધવામાં આવ્યો છે.
સરહદી જિલ્લો અને દરિયાઈ રસ્તે દુશ્મન દેશની અત્યંત નજીક ગણાતા દ્વારકા જિલ્લાના પોસીત્રા પાસે ચાક ટાપુ તરીકે ઓળખાતા દરિયાઈ અભયારણ્ય વિસ્તારમાં કેટલાક શખ્સો માછીમારીના ઈરાદાથી જઈ રહ્યા હોવાની બાતમી મળતા આરએફઓ એન.પી. બેલા, વનવિભાગના સ્ટાફના એસ.જી. કણઝારીયા, એમ.જે. ગાગીયા, યુ.પી. સાદીયા, છગનભાઈ, વિનોદ ડાભી, ઈબ્રાહીમ સમા, અબ્બાસ મામદ, બીજલ જેસાભાઈ, કિશનભાઈ વગેરે વોચમાં હતા. તે દરમિયાન ચાક ટાપુના બ્લોક નં.૮માં કેટલાક શખ્સો માછીમારી કરતા હતા ત્યારે તેઓને દબોચી લેવાયા હતા. જામનગર તાલુકાના સિક્કાના મહેબુબ આરબી કુંગડા, સંઘાર હારૂન હેસુન, ખંભાળિયા તાલુકાના સલાયાના લતીફ અબ્બાસ ગાધ, શબ્બીર અબ્બાસ સંઘાર, ભાયા અજીઝ અનવર તથા ભરાણા ગામના ભાયા ઈમરાન જાકુબ નામના છ શખ્સ મળી આવ્યા હતા.
આ શખ્સોની તેમની બોટ સાથે અટકાયત કરી લેવામાં આવી છે અને વન્ય જીવ સંરક્ષણ અધિનિયમ ૧૯૭૨ની કલમ હેઠળ ગુન્હો રજીસ્ટર કરાવાયો છે. આ શખ્સો સામે તે ટાપુ પર અપપ્રવેશ અંગે કાર્યવાહી કરાઈ રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
