Author: નોબત સમાચાર
જાણો ૧ સપ્ટેમ્બર થી ૭ સપ્ટેમ્બર ૨૦૨૫ સુધીનું સાપ્તાહિક રાશિફળ
મેષ સહીત ચાર રાશિને આવનારા સપ્તાહમાં વેપાર-ધંધામાં લાભ મળે, તબિયત સાચવવી
Aries (મેષ: અ-લ-ઈ)
તમારા માટે સુખ-દુઃખ જેવી પરિસ્થિતિ સાથે લાવતું સપ્તાહ શરૂ થ્+ાવા જાય છે. આ સપ્તાહના સમયગાળા દરમિયાન આપને પરિસ્થિતિમાં ચઢાવ-ઉતારનો અનુભવ થાય. વ્યાવસાયિક ક્ષેત્રે સારો એવો લાભ પ્રાપ્ત થઈ શકે છે. કોઈ નવો ઓર્ડર, ટેન્ડર મળી શકે તેમ જણાય છે. ધાર્યો લાભ મેળવવાની આશા ફળીભૂત થતી જણાય. આરોગ્ય બાબતે પડવા-વાગવાથી ચેતવવું. સામાજિક ક્ષેત્રે કોઈ શુભ કાર્યમાં સહભાગી થઈ શકો. વ્યર્થ વાદ-વિવાદથી દૂર રહેવું. તા. ૧ થી ૪ લાભદાયી. તા. પ થી ૭ વિવાદ ટાળવા.
Taurus (વૃષભ: બ-વ-ઉ)
આપના માટે આકસ્મિક ધનલાભ સાથે લાવતું સપ્તાહ શરૂ થવા જાય છે. આ સપ્તાહના દિવસો દરમિયાન આપને કોઈ આકસ્મિક લાભ થવાની શક્યતા જણાય છે. લાંબા સમયનું આર્થિક રોકાણ આ સમયમાં શક્ય બને. અધુરા રહેલા પારિવારિક કાર્યો પૂરા કરી શકશો. સ્વજનો સાથે સમય મજાનો પૂરવાર થાય. વાદ-વિવાદ, મતભેદ હશે તો દૂર કરી શકશો. સ્વાસ્થ્ય બાબતે સમય નરમ-ગરમ રહેવા પામે. યાત્રા-પ્રવાસનું આયોજન આ સમયમાં શક્ય બને. તા. ર થી ૪ મિશ્ર. તા. પ થી ૭ લાભદાયી.
Gemini (મિથુન: ક-છ-ધ)
તમારા માટે ઉત્સાહવર્ધક સમય સાથે લાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન આપની અંદર નવો ઉમંગ અને ઉત્સાહ જોવા મળે. ધાર્યા કામ પૂરા કરવા માટે આપ તનતોડ મહેનત અને પરિશ્રમ કરશો તેમજ તેનું શુભ પરિણામ પણ પ્રાપ્ત કરી શકશો. વ્યાવસાયિક ક્ષેત્રે આકસ્મિક લાભ થવાની પૂર્ણ શક્યતા દેખાય છે. આરોગ્ય અંગે બેદરકારી આપને ગંભીર નુક્સાન પહોંચાડી શકે છે. ખાનપાનમાં તકેદારી રાખવી. નોકરિયાત વર્ગને ઉપરી અધિકારી તરફથી પ્રશંસા-વખાણ સાંભળવા મળે. તા. ૧ થી ૪ મધ્યમ. તા. પ થી ૭ ફળદાયી.
Cancer (કર્ક: ડ-હ)
આપના માટે વ્યસ્તતાભર્યું સપ્તાહ શરૂ થવા જાય છે. આ સપ્તાહના સમયગાળા દરમિયાન આપ સામાજિક-જાહેરજીવન ક્ષેત્રે સક્રિય બનતા જણાવ. નાણાકીય સ્થિતિ સમતોલ રહેવા પામે, જો કે મોજ-શોખ, સુખ-સગવડના સાધનો પાછળ વ્યર્થ ખર્ચ કરવા આકર્ષાઈ શકો છો. દાંપત્યજીવનમાં કલેશ-કલહનું વાતાવરણ ન સર્જાય તેની તકેદારી રાખવી આવશ્યક જણાય છે. સંતાન બાબતે ચિંતા રહ્યા કરે. વ્યાપાર-ધંધામાં આપે કરેલ મહેનતનું યોગ્ય વળતર મેળવી શકશો. તા. ૧ થી ૪ મિલન-મુલાકાત. તા. પ થી ૬ વ્યસ્તતા.
Leo (સિંહ: મ-ટ)
તમારા માટે આર્થિક પરિસ્થિતિ સુધારનારૂ સપ્તાહ શરૂ થવા જાય છે. આ સપ્તાહના દિવસો દરમિયાન આવકના સ્ત્રોતો ખૂલતા જણાય. આકસ્મિક ધનલાભની શક્યતા પણ પ્રબળ જણાય છે. સ્વાસ્થ્ય નરમ-ગરમ રહેતું જણાય. આહાર-વિહારમાં સાવધાની રાખવી હિતાવહ રહેશે. સંતાન અંગે ચિંતા હશે તો દૂર થશે. સામાજિક-જાહેરજીવન ક્ષેત્રે શત્રુ વિરોધીઓ હાવિ થતા જણાય. નોકરિયાત વર્ગને બઢતી-બદલીની ઈચ્છા ફળીભૂત થઈ શકે. વ્યાપાર-ધંધામાં વિકાસ-તેજી જોવા મળે. તા. ૧ થી ૪ ધનલાભ. તા. પ થી ૭ સંભાળવું.
Virgo (કન્યા: પ-ઠ-ણ)
આપના માટે શાંતિપૂર્ણ વ્યવહાર કરવાની સલાહ આપતું સપ્તાહ શરૂ થવા જાય છે. આ સપ્તાહના દિવસો દરમિયાન આપની માનસિક સ્થિતિ તંગ બનતી જણાય. ધાર્યો લાભ અટકતા બેચેનીનો અનુભવ થાય. મહત્ત્વના કાર્યોમાં નિર્ણય લેતા પહેલા કોઈ અનુભવી વ્યક્તિની સલાહ લેવી આવશ્યક જણાય છે. સ્વાસ્થ્ય સુખાકારી ઉત્તમ રહેવા પામે. જાહેરજીવન ક્ષેત્રે સંકળાયેલા જાતકોને માન-સન્માનમાં વધારો થાય. વિદ્યાર્થી વર્ગને સફળતા મળે. તા. ૧ થી ૪ આરોગ્ય સુધરે. તા. પ થી ૭ સાવધ રહેવું.
Libra (તુલા: ર-ત)
તમારા માટે નસીબનો સાથ અપાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન પુરુષાર્થ કરતા પ્રારબ્ધનું ફળ વધારે મેળવી શકશો. ધંધા-વેપાર ક્ષેત્રે અણધારી તેજી જોવા મળે. નાણાના સ્ત્રોતો ખૂલતા જણાય. તબિયત અંગે આહાર-વિહાર, ખાન-પાનમાં પરેજી રાખવી. જાહેર જીવનમાં લગ્ન પ્રસંગો જેવા સમારંભોમાં વ્યસ્તતાનો અનુભવ થાય. કોર્ટ-કચેરીની બાબતોમાં સમય સાનુકૂળ બને. જીવનસાથી સાથે નાની-મોટી બાબતોમાં તકરાર થાય. ક્ષમા કરવાની ભાવના કેળવશો તો ફાયદામાં રહેશો. તા. ૧ થી ૪ વાદ-વિવાદ ટાળવા. તા. પ થી ૭ શુભ.
Scorpio (વૃશ્ચિક: ન-ય)
આપના માટે સમસ્યાઓનું નિરાકરણ સાથે લાવતું સપ્તાહ શરૂ થવા જાય છે. આ સપ્તાહના દિવસો દરમિયાન ગ્રહોની ચાલ જોતા આવનારો સમય શુભ પરિણામ લાવી શકે. વ્યાપાર-ધંધામાં મંદીના વાદળો વિખેરાતા જણાય. પરિશ્રમ તથા ભાગ્યનો સાથ મળતા આર્થિક પ્રગતિ શક્ય બને. વ્યાપારી વર્ગ માટે નવી ધંધાકીય ખરીદી માટે સમય શ્રેષ્ઠ ગણી શકાય. સ્વાસ્થ્ય એકંદરે સારૃં રહે. યાત્રા-પ્રવાસ વિલંબ પડે. દાંપત્યજીવનમાં મધૂરતા જળવાઈ. જાહેર જીવનમાં અતિ વ્યસ્તતાને કારણે માનસિક-શારીરિક થાકનો અનુભવ થાય. તા. ૧ થી ૪ મધ્યમ. તા. પ થી ૭ સારી.
Sagittarius (ધન: ભ-ધ-ફ-ઢ)
તમારા માટે ક્રોધ-આવેશ ઉપર નિયંત્રણ રાખવાની સલાહ આપતું સપ્તાહ શરૂ થવા જાય છે. આ સપ્તાહના સમય દરમિયાન આપના અંગત સંબંધો વણસતા જણાય. નાની-નાની વાતમાં વાદ-વિવાદ મોટું સ્વરૂપ લઈ શકે છે. ધીરજ અને સંયમથી વર્તશો તો મહદ્અંશે ફાયદામાં રહેશો. નાણાકીય દૃષ્ટિએ સપ્તાહ સારૂ રહે. અપેક્ષા અનુસાર કામ મેળવી શકશો. આરોગ્ય સુખાકારી સારી રહે. વિદ્યાર્થીઓ માટે સમય આત્મ મંથન કરાવવાવાળો બને. સંતાન તરફથી શુભ સમાચાર સાંભળવા મળે. સામાજિક ક્ષેત્રે માન-સન્માન વધે. તા. ૧ થી ૪ વિવાદ ટાળવા. તા. પ થી ૭ લાભદાયી.
Capricorn (મકર: ખ-જ)
આપના માટે કાર્યક્ષેત્રે મહત્ત્વનું સમય સાથે લાવતું સપ્તાહ શરૂ થવા જાય છે. આ સપ્તાહના દિવસો દરમિયાન આપના દ્વારા કોઈ નવું સાહસ-યોજના અમલમાં મૂકવામાં આવે. વ્યાપાર-વ્યવસાય ક્ષેત્રે રૂકાવટ કે વિઘ્નો હશે તો તે દૂર થાય અને સફળતા મળે. કાર્યપૂર્તિની સાથે સાથે આર્થિક મુંઝવણ પણ હળવી બનતી જણાય. સ્વાસ્થ્ય બાબતે સાવધાની રાખવી. ખાન-પાન, આહાર-વિહારમાં તકેદારી રાખવી. ઘર-પરિવારમાં શાંતિ તથા સુલેહભર્યું વાતાવરણ અનુભવી શકશો. નોકરિયાત વર્ગે ઉપરી અધિકારી સાથે બોલાચાલી ટાળવી. તા. ૧ થી ૪ સ્વાસ્થ્ય સાચવવું. તા. પ થી ૭ સફળતા મળે.
Aquarius (કુંભ: ગ-શ-સ)
તમારા માટે માનસિક શાંતિ પરત લાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન આપની માનસિક સ્થિતિ પ્રફૂલ્લિત રહે. આવનારો સમય મોજ-શોખ, ભોગ-વિલાસ પાછળ વ્યતિત કરતા જણાવ. વધારે પડતા ખર્ચને કારણે નાણાભીડનો અનુભવ થાય. આકસ્મિક ધનલાભથી સ્થિતિને પહોંચી વળવા સક્ષમ બનશો. પારિવારિક ક્ષેત્રે વડીલ વર્ગ સાથે બોલાચાલી ટાળવી. કોર્ટ-કચેરી જેવા પ્રશ્નોમાં સમાધાનકારી વલણ અપનાવવું સલાહભર્યું રહેશે. આરોગ્યની બાબતે નાની-મોટી તકલીફ હશે તો દૂર થશે. તા. ૧ થી ૪ ખર્ચ-ખરીદી. તા. પ થી ૭ સુખદ.
Pisces (મીન: દ-ચ-ઝ-થ)
આપના માટે પરિશ્રમ કરાવનારો સમય સાથે લાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન આપે ભાગ્ય કરતા પુરુષાર્થ-મહેનત ઉપર વધારે ધ્યાન આપવું પડે. આપને આપની મહેનત અને પરિશ્રમના પ્રમાણમાં ફળ પ્રાપ્ત થતું જોવા મળે. દાંપત્ય જીવનમાં એકરસતા-મધૂરતા જળવાઈ. સંતાન બાબતેની ચિંતા હળવી થતી જણાય. નાણાકીય સ્થિતિ એકંદરે સારી રહે. આવકના સ્ત્રોત અવિરત ચાલુ રહે. નોકરિયાત વર્ગને ઉપરી અધિકારી સાથે શાંતિપૂર્ણ વ્યવહારથી કામ લેવું. તા. ૧ થી ૪ કાર્યશીલ. તા. પ થી ૭ સાનુકૂળ.
અન્ય સમાચારો
