Author: નોબત સમાચાર
દ્વારકામાં રિક્ષામાં બેસીને જતાં વૃદ્ધાના હાથમાંથી અડધા તોલાની બંગડી ચોરાઈ
ગુલાબનગર પાસેથી સ્કૂટરની ઉઠાંતરીઃ
જામનગર તા. ૨૬: જામનગરના ગુલાબનગર નજીકના પેટ્રોલપંપ પાસેથી સપ્તાહ પૂર્વે એક સ્કૂટરની ચોરી થઈ છે. જ્યારે દ્વારકાના એક વૃદ્ધાના હાથમાંથી સોનાની અડધા તોલા વજનની બંગડી એક અજાણ્યો શખ્સ કાઢી ગયાની પોલીસમાં ફરિયાદ કરાઈ છે.
જામનગરના ગુલાબનગર નજીકના સાંઢીયા ૫ુલ પાસે બજરંગ ચોકમાં વસવાટ કરતા ધ્રુવરાજસિંહ દિલીપસિંહ રાઠોડ નામના વિદ્યાર્થીએ પોતાનું જીજે-૧૦ ઈબી ૧૨૯૧ નંબરનું એક્સેસ સ્કૂટર ગઈ તા.૧૮ની રાત્રે પેટ્રોલપંપ પાસે રાખ્યું હતું. ત્યાંથી રૂા.૪૫ હજારનું આ વાહન કોઈ શખ્સ હંકારી ગયો છે. સિટી એ ડિવિઝનમાં ધ્રુવરાજસિંહે તેની ફરિયાદ નોંધાવી છે.
દ્વારકા શહેરની જલારામ સોસાયટીમાં વસવાટ કરતા પાર્વતીબેન છગનલાલ ગોહેલ નામના એકોત્તેર વર્ષના વૃદ્ધા ગયા રવિવારે સવારે ભથાણ ચોક પાસેથી રિક્ષામાં બેઠા હતા. તેઓની બાજુમાં બ્લુ રંગના શર્ટવાળો એક અજાણ્યો શખ્સ બેઠો હતો.
ચાલુ રિક્ષામાં આ વૃદ્ધાના હાથમાં પહેરેલી રૂા.૪૫ હજારની અડધા તોલા વજનની સોનાની બંગડી આ શખ્સે ચોરી કરી લીધાની દ્વારકા પોલીસ મથકમાં પાર્વતીબેન ગોહેલે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
