Author: નોબત સમાચાર
જામનગરમાંથી બાઈકની ચોરી કરનાર બેલડીને પકડી પાડતી એલસીબી ટીમ
જામનગર તા. ૨૨: જામનગરમાંથી એક બાઈકની ઉઠાંતરી કરનાર બેલડીને એલસીબીએ બેડીના પુલ નીચેથી દબોચી લીધી છે અને રૂ.૩૦ હજારનું ચોરાઉ બાઈક કબજે કર્યું છે.
જામનગરના એલસીબી સ્ટાફ દ્વારા કરવામાં આવી રહેલા પેટ્રોલિંગ દરમિયાન એએસઆઈ દિલીપભાઈ તલાવડીયા, હિતેન્દ્રસિંહ, મયુરસિંહને બાતમી મળી હતી કે, બેડી નજીક આવેલા પુલ પાસે બે શખ્સ નંબર પ્લેટ વગરનું શંકાસ્પદ બાઈક લઈને આવ્યા છે.
તે બાતમીથી પીઆઈ વી.એમ. લગારીયાને વાકેફ કરાયા પછી ધસી ગયેલી એલસીબી ટીમે નાગનાથ સર્કલ પાસે મહેશ્વરીનગરમાં રહેતા મહેશ ટપુભાઈ મકવાણા ઉર્ફે યુવા તથા દરેડમાં રહેતા શામજી જીવાભાઈ ગોરડીયા નામના બે શખ્સને નંબર પ્લેટ વગરના બાઈક સાથે પકડ્યા હતા.
આ શખ્સોની પૂછપરછ કરાતા તેઓએ આ બાઈક ચોરી કર્યાનું અને તેના નંબર જીજે-૧૦-એએચ ૫૮૭૪ હોવાનું કબૂલ્યું છે. રૂ.૩૦ હજારનંુ બાઈક કબજે કરી એલસીબીએ બંને આરોપીનો કબજો સિટી બી ડિવિઝનને સોંપ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
