Author: નોબત સમાચાર
નૂરી ચોકડી પાસે ડિવાઈડર સાથે બાઈક ટકરાઈ પડતા યુવાનનું મૃત્યુઃ એકને ઈજા
કોઈ રીતે બેકાબુ બનેલા બાઈકે ભરખી માનવ જિંદગીઃ
જામનગર તા. ૨૦: જામનગરના નૂરી ચોકડી વિસ્તારથી મહાપ્રભુજીની બેઠક તરફ શનિવારે સાંજે બાઈક પર જતા બે યુવાનને અકસ્માત નડ્યો હતો. બાઈક ડિવાઈડર સાથે ટકરાઈ પડતા બાઈક ચલાવતા યુવાનનું માથામાં ગંભીર ઈજા થવાથી મૃત્યુ નિપજ્યું છે. પાછળ બેસેલા યુવાનને ફ્રેકચર થઈ ગયું છે.
જામનગરના નૂરી ચોકડી વિસ્તારમાં ઝૂંપડામાં રહેતા જુમાભાઈ જુસબભાઈ રાઠોડ નામના સલાટ યુવાન તથા ત્યાં જ વસવાટ કરતા રાહુલ હેન્દુભાઈ વાઘેલા નામના યુવાન શનિવારે સાંજે પાંચેક વાગ્યે નુરી ચોકડીથી મહાપ્રભુજીની બેઠકવાળા રોડ પર મોટરસાયકલ નં. જીજે-૫-બીસી ૩૪૭૨ પર પસાર થતા હતા.
આ વેળાએ રાહુલ વાઘેલા બાઇક ચલાવી રહ્યા હતા. તેઓ જ્યારે આણદાબાવા આશ્રમની જગ્યા પાસે પહોંચ્યા ત્યારે રાહુલે કોઈ રીતે મોટરસાયકલ પરનો કાબુ ગુમાવતા તેનું બાઈક રોડ વચ્ચે આવેલા ડિવાઈડરમાં ટકરાઈ પડ્યું હતું અને બંને યુવાનો રોડ પર ફંગોળાઈ ગયા હતા.
આ અકસ્માતમાં માથામાં ઈજા પામેલા રાહુલનું મૃત્યુ નિપજયુ છે. જ્યારે પાછળ બેસેલા જુમાભાઈને માથામાં ઈજા અને હાથમાં ફ્રેક્ચર થઈ ગયું છે. તેઓએ પોલીસમાં ફરિયાદ નોંધાવતા પોલીસે રાહુલ વાઘેલા સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
