નુકસાની અંગે ખર્ચાે આપી જવાનું કહી ત્રણ યુવાન પર ચાર શખ્સ દ્વારા કરાયો હુમલો

Author: નોબત સમાચાર

નુકસાની અંગે ખર્ચાે આપી જવાનું કહી ત્રણ યુવાન પર ચાર શખ્સ દ્વારા કરાયો હુમલો

પ્લાસ્ટિકની નળી, ઢીકાપાટુથી માર માર્યાે:

જામનગર તા. ૯: જામનગરના ત્રણ યુવાનને ગઈકાલે ગાડીમાં થયેલા નુકસાન બદલ ખર્ચો આપી જવા ફોન કરીને સાતરસ્તા પાસે બોલાવ્યા પછી ચાર શખ્સે ગાડી દેખાડવાનું કહેવાતા ઉશ્કેરાઈને પ્લાસ્ટિકની નળી તથા ઢીકાપાટુથી હુમલો કરી માર માર્યાે હતો.

જામનગરના ગોકુલનગર વિસ્તાર પાસે આવેલી નવાનગર સોસાયટીની શેરી નં.૪માં રહેતા માનવ ચંદ્રેશભાઈ તારવાણી નામના યુવાન તથા તેનો પિતરાઈ ભાઈ અને એક મિત્ર ગઈકાલે રાત્રે સાત રસ્તા નજીક એમ.પી. શાહ કોમર્સ કોલેજ પાસે આવ્યા હતા.

આ વ્યક્તિઓને ગુલાબનગરમાં રહેતા આદેશ ભરતભાઈ નામના શખ્સે ફોન કરીને ગાડીનો ખર્ચ દેવા માટે બોલાવ્યા હતા ત્યારે તેની સાથે ગફાર, એક અજાણ્યો શખ્સ, વિશાલ ભરતભાઈ પણ સાથે હતા. માનવે ગાડીમાં કેટલો ખર્ચો છે તે માટે ગાડી દેખાડો તેમ કહેતા ગફારે ગાળો ભાંડી હતી અને આદેશે પ્લાસ્ટિકની નળીથી હુમલો કર્યાે હતો. તે પછી વિશાલે પણ ઢીકાપાટુથી માર માર્યાે હતો અને માનવનું માથું ત્યાં ઝાળીમાં ભટકાડવામાં આવ્યું હતું. સિટી બી ડિવિઝન પોલીસ સ્ટેશનમાં માનવ તારવાણીએ ફરિયાદ નોંધાવી છે.

જો આપને આ પોસ્ટ ગમી હોય તો શેર કરો...