Author: નોબત સમાચાર
જામનગરમાં આશા વર્કર બહેનો દ્વારા પડતર પ્રશ્નો ઉકેલવા માંગઃ બાકી રહેલા ચૂકવણા કરો
મેડિકલ ઓફિસરને આવેદન પત્ર આપી રજૂઆતઃ
જામનગર તા. ૧૦: જામનગરમાં આશાવર્કર બહેનો દ્વારા મહાનગર પાલિકાના મેડિકલ ઓફિસરને લેખિત રજૂઆત કરી પોતાના પગાર પ્રશ્નો ઉકેલવા માંગ કરી હતી. આશા વર્કર બહેનોએ ટેકો પ્લસ એપમાં ઓનલાઈન એચબીએનસી અને એચબીવાયસીની એન્ટ્રી કરવી ફરજીયાત છે. જે માટે તેમને ચુકવણી કરવામાં આવશે. જો આ નિયમ હોય તો તેનો પરિપત્ર જાહેર કરવો જોઈએ.
એફએચડબલ્યુ કેડરને ટેકામાં કામગીરી કરવા માટે સરકાર દ્વારા મોબાઈલ ફોન આપવામાં આવ્યા છે. પરંતુ તે ચાલુ કન્ડીશનમાં ન હોય તો વાર્ષિક રૂ. ૩ હજારની ચુકવણી કરવામાં આવે છે. આથી તમામ આશાવર્કરોને મોબાઈલ આપવા વાર્ષિક ત્રણ હજારની ચુકવણી કરવી જોઈએ.
તમામ આશા વર્કરોએ ગત વર્ષમાં આભા કાર્ડની કામગીરી કરી હતી. તેની ચુકવણી પણ કરવામાં આવી નથી. જેની તાત્કાલીક ચુકવણી કરવી જોઈએ, તમામ આશા વર્કર બહેનોએ વર્ષ ૨૦૨૩-૨૪ અને વર્ષ ૨૦૨૪-૨૫માં પીએમએમવીવાય ફોર્મની ઓનલાઈન કામગીરી કરી હતી. છેલ્લા અઢી વર્ષથી તેનું પેમેન્ટ પણ કરવામાં આવ્યુ નથી.
આ તમામ મુદ્દે ગઈકાલે જામનગરમાં આશાવર્કર બહેનોએ મહાનગર પાલિકામાં મેડિકલ ઓફિસરને લેખિત આવેદન પત્ર પાઠવી માંગણી રજૂઆત કરી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
