Author: નોબત સમાચાર
સલાયામાં ડોક્ટર ન હોવા છતાં પ્રેક્ટિસ કરતો બોગસ તબીબ ઝડપાયોઃ દવા કબજે
સુરજકરાડીમાંથી પણ બોગસ તબીબ મળ્યોઃ
જામનગર તા. ૧૧: ખંભાળિયાના સલાયામાં પોલીસે દરોડો પાડી બોગસ ડોક્ટરને પકડી પાડ્યો છે. જ્યારે સુરજકરાડીમાંથી પણ એક બોગસ ડોક્ટર ઝડપાયો છે. બંનેના કહેવાતા ક્લિનિકમાંથી દવા સહિતનો મુદ્દામાલ કબજે કરવામાં આવ્યો છે.
ખંભાળિયા તાલુકાના સલાયામાં એક શખ્સ ડોક્ટર ન હોવા છતાં કેટલાક સમયથી તબીબ તરીકે પ્રેક્ટિસ કરી બીમાર લોકોને દવા આપતો હોવાની વિગત મળતા ગઈકાલે બપોરે સલાયા મરીન પોલીસ સ્ટેશનના સ્ટાફે ચીશ્તી ચોકમાં ગફાર સુલેમાન સુંભણીયા નામના આસામીના મકાનમાં દરોડો પાડ્યો હતો.
ત્યાંથી મૂળ પશ્ચિમ બંગાળના નાદીયા જિલ્લાના ભાયના ગામના વતની બાસુદેવ બરેન મોંડલ (ઉ.વ.૪ર) નામનો શખ્સ મળી આવ્યો હતો. આ શખ્સ ડોક્ટર ન હોવા છતાં ક્લિનિક ચલાવતો હતો. તેના કહેવાતા ક્લીનિકમાંથી દવા, ઈન્જેક્શન, શીરપ મળી કુલ રૂ.પપ,૧૯૫નો મુદ્દામાલ કબજે કરી લેવાયો છે. આ શખ્સ સામે મેડિકલ પ્રેક્ટિસનર્સ એક્ટ હેઠળ ગુન્હો નોંધાયો છે.
ઓખામંડળમાં મીઠાપુર નજીક સુરજકરાડીમાં વિશ્વકર્મા સોસાયટીમાં ગઈકાલે મીઠાપુર પોલીસ સ્ટેશનના સ્ટાફે દરોડો પાડી રમણીકભાઈ ગોકળભાઈ પટેલ (ઉ.વ.૭૩) નામના આસામીના કહેવાતા દવાખાનામાં ચકાસણી કરી હતી. આ શખ્સ પણ ડિગ્રી મેળવ્યા વગર જ ડોક્ટર બની બેસેલો જણાઈ આવ્યો હતો. બીમાર વ્યક્તિઓના સ્વાસ્થ્યને જોખમમાં મૂકી આ શખ્સ એલોપેથીક દવા આપતો હતો. તેની સામે પણ ગુન્હો નોંધવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
