Author: નોબત સમાચાર
ગોલ્ડ મેડલ મેળવનાર જામનગરની ચાર વિદ્યાર્થિનીઓનું કરાયું ઉસ્માભર્યું સન્માન
ભૂતાનમાં યોજાયેલ ઈન્ટરનેશનલ હેન્ડબોલ સ્પર્ધામાં
જામનગર તા. ર૪ઃ ભૂતાનમાં આંતરરાષ્ટ્રીય કક્ષાની હેન્ડબોલ ૬-એ-સાઈડ ટુર્નામેન્ટ યોજવામાં આવી હતી, જેમાં ભારતની ટીમ વિજેતા બની હતી. ભારતની ટીમમાં જામનગરની ચાર વિદ્યાર્થિનીઓએ ઉત્કૃષ્ટ પ્રદર્શન સાથે ગોલ્ડ મેડલ પ્રાપ્ત કરીને ભારત તથા નગરનું ગૌરવ વધાર્યું છે. ચારેય ખેલાડીઓ જામનગર પહોંચતા તેમનું ઉષ્માભેર સ્વાગત કરવામાં આવ્યું હતું.
ભૂતાનમાં ઈન્ટરનેશનલ હેન્ડબોલ ટુર્નામેન્ટનું આયોજન કરવામાં આવ્યું હતું, જેમાં ભારતનું પ્રતિનિધિત્વ કરનાર ટીમમાં જામનગરની ખાનગી સ્કૂલની વિદ્યાર્થિનીઓ ધાર્મી ભોરાણિયા, કરીના યાદવ, જાનવી ગાગિયા તથા દિયા વિચ્છીનો સમાવેશ કરવામાં આવ્યો હતો. તમામ ખેલાડીઓએ ખૂબ જ ઉત્કૃષ્ટ પ્રદર્શન કરીને ભારતને ચેમ્પિયન બનાવ્યું હતું. આ ચારેય ખેલાડીઓએ ભારત તથા જામનગરનું ગૌરવ વધાર્યું છે.
આ ચારેય ખેલાડીઓનું ગોલ્ડ મેડલ સાથે જામનગર રેલવે સ્ટેશને આગમન થતા તેઓનું ઉષ્માભર્યું સ્વાગત કરવામાં આવ્યું હતું. શાળાના ડિરેક્ટર સંજય ખંડેલવાલ તથા આચાર્ય થોમ્સન માઈકલે જણાવ્યું હતું કે, આ સિદ્ધિ માત્ર અમારી સ્કૂલ માટે જ નહીં, પરંતુ સમગ્ર જામનગર માટે ગૌરવની વાત છે. આ વિદ્યાર્થિનીઓ ભવિષ્યમાં પણ ઉત્કૃષ્ટ પ્રદર્શન કરીને દેશ અને દુનિયામાં ભારત તથા જામનગરનું ગૌરવ વધારશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
