Author: નોબત સમાચાર
વ્યાજ કરતા ત્રણ ગણી રકમ ચૂકવ્યા પછી પણ ગાળો ભાંડી મારવાની અપાઈ ધમકી
રૂ. ૧ર લાખની રકમ લખી એક ચેક રિટર્ન કરાવ્યોઃ
જામનગર તા. ૭: જામનગરના એક આસામીએ પાંચ વર્ષ પહેલાં ૨૦ ટકાના વ્યાજે રૂ. ૧ લાખ ૭૦ હજાર લીધા પછી ગૂગલ પેથી રૂ. ૬ લાખ ર૮ હજાર ચૂકવ્યા પછી પણ વ્યાજે રકમ ધીરનાર શખ્સે એક ચેક રિટર્ન કરાવતા અને ગાળો ભાંડી મારવાની ધમકી આપતા પોલીસમાં ફરિયાદ કરાઈ છે.
જામનગરના રણજીત સાગર રોડ પર આવેલી ગ્રીનસિટી સામે પેટ્રોલપંપ પાછળ નદીના કાંઠે વસવાટ કરતા જીજ્ઞેશભાઈ મગનભાઈ ખાણધર નામના સતવારા યુવાને વર્ષ ૨૦૨૦માં એપ્રિલ મહિનામાં પૈસાની જરૂર પડતા મારૂ કંસારા હોલ પાછળ વસવાટ કરતા અશોક મુળજીભાઈ નંદા ઉર્ફે જાંબુ પાસેથી કટકે કટકે રૂ. ૧ લાખ ૭૦ હજાર ૨૦ ટકાના વ્યાજે લીધા હતા.
પૈસા આપતી વેળાએ જાંબુએ જીજ્ઞેશભાઈના પરિવારના સભ્યોના સહી કરેલા આઠ કોરા ચેક મેળવ્યા હતા. ગયા માર્ચ મહિના સુધીમાં જીજ્ઞેશભાઈએ રૂ. ૬ લાખ ર૮ હજાર ચૂકવી આપ્યા હોવા છતાં અશોક ઉર્ફે જાંબુએ વ્યાજ અને મૂડીની ઉઘરાણી યથાવત રાખી હતી. ગાળો ભાંડી મારવાની ધમકી આપતા આ શખ્સે જીજ્ઞેશભાઈના પિતાના નામનો એક ચેક રૂ. ૧૨ લાખની રકમ ભરી બેંકમાં રજૂ કરી રિટર્ન કરાવ્યા પછી બીજા ચેક પણ રિટર્ન કરાવવાની ધમકી આપતા આખરે જીજ્ઞેશભાઈએ સિટી એ ડિવિઝનમાં ફરિયાદ નોંધાવી છે. પોલીસે ગુન્હો નોંધી તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
