Author: નોબત સમાચાર
વાગડીયા ડેમ પાસે રીલ બનાવવા ગયેલો યુવાન મોટર સાથે ગરકાવઃ માંડ જીવ બચ્યો
ક્રેઈન બોલાવાઈ છતાં મોટર તણાઈ ગઈઃ
જામનગર તા. ૪: જામનગરના વાણીયા ગામ નજીકના વાગડીયા ડેમ પાસે મંગળવારે સાંજે મોબાઈલમાં રીલ બનાવવા માટે મોટર લઈને આવેલા એક શખ્સનો જીવ રીલ બનાવવાના ચક્કરમાં જોખમમાં મુકાયો હતો. તેની મોટર ડેમના પાણીમાં ઉતરી ગઈ હતી. બચવા માટે વલખા મારતા આ યુવાનને ગ્રામજનોએ ઉગારી લીધો હતો. જો કે તેની મોટર પાણીમાં ગરકાવ થઈ ગઈ હતી.
જામનગર નજીકના રણજીતસાગર ડેમ પાસે આવેલા વાણીયા ગામ નજીક વાગડીયા ડેમ પર મંગળવારની સાંજે એક યુવાન પોતાની મોટર સાથે આવ્યો હતો. જ્યાં તેણે છલોછલ ભરેલા ડેમ નજીક મોટર રાખી મોબાઈલ ફોનમાં રીલ બનાવવાનું શરૂ કર્યું હતું.
તે પછી કોઈ રીતે તેની મોટર પાણીમાં ગરકાવ થઈ જતાં ડરી ગયેલા આ યુવાને બૂમો પાડી હતી અને પોતાનો જીવ બચાવવાનો પ્રયાસ શરૂ કર્યાે હતો.
વલખા મારી રહેલા આ યુવાને મહામહેનતે મોટરની બારીમાંથી બહાર નીકળીને મોટરના હુડ પર ચઢી જઈ પોતાને બચાવવા માટે ફરીથી બૂમો પાડતા ત્યાં હાજર લોકોએ તેને બચાવવાના પ્રયન્ત શરૂ કર્યા હતા. આ યુવાનને સહી સલામત રીતે બહાર કાઢી લેવાયા પછી તેની મોટરને પણ બહાર કાઢવા ક્રેઈન બોલાવાઈ હતી. જો કે, તે પહેલાં મોટર પાણીમાં ગારદ થઈ ગઈ હતી. રીલ બનાવવાના અભરખામાં આ યુવાનનો જીવ જોખમમાં મુકાઈ ગયો હતો. જો કે, તેના સદ્નસીબે ગ્રામજનોએ તેને બચાવી લીધો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
