Author: નોબત સમાચાર
લાલપુર બાયપાસ નજીક તાજું જન્મેલુ બાળક ત્યજી દેવાયેલી હાલતમાં સાંપડ્યું
પોલીસે સીસીટીવી ફૂટેજના આધારે તપાસ આદરીઃ
જામનગર તા. ૯: જામનગરના લાલપુર બાયપાસ પાસે આવેલી એક સોસાયટીમાંથી ગઈકાલે તાજા જ જન્મેલા અને ત્યજી દેવાયેલા બાળકનો મૃતદેહ મળી આવ્યો છે. ધસી ગયેલી પોલીસે મૃતદેહનો કબજો સંભાળી ત્યાં મુકવામાં આવેલા સીસીટીવી ફૂટેજ નીહાળી એક સ્ત્રીના સગડ દબાવ્યા છે.
જામનગર-લાલપુર ધોરીમાર્ગ પર આવેલા બાયપાસ નજીક એક સોસાયટીમાં ગઈકાલે સવારે તાજુ જ જન્મેલુ બાઈક નિર્જન સ્થળે ત્યજી દીધેલી હાલતમાં પડ્યું હોવાની જાણ પોલીસને કરવામાં આવતા પોલીસ ટીમ દોડી ગઈ હતી.
ત્યાં પહોંચેલી પોલીસે આ બાળકનો કબજો સંભાળ્યો હતો. ચકાસણીમાં આ બાળક જન્મ્યા પછી મૃત્યુ પામ્યાનું ખૂલ્યું હતું. જે સ્થળેથી આ બાળક મળી આવ્યું છે તે સોસાયટીના અને આજુબાજુના કેટલાક સીસીટીવી કેમેરાના ફૂટેજ પોલીસ દ્વારા ચકાસવામાં આવ્યા છે. જેમાં એક સ્ત્રી તે બાળકને ત્યજી દઈ જતી જોવા મળતા તેણીના સગડ દબાવવામાં આવી રહ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
