Author: નોબત સમાચાર
ટ્રમ્પ હવે દવાઓ પર ર૦૦ ટકા ટેરિફ ઝીંકે તેવી સંભાવનાઃ કંપનીઓએ કરી ટીકા
કેટલીક જાયન્ટ દવા કંપનીઓ અમેરિકામાં જ ઉત્પાદન માટે તૈયારઃ
નવી દિલ્હી તા. રઃ અમેરિકાના રાષ્ટ્રપતિ ડોનાલ્ડ ટ્રમ્પ હવે દવાઓ પર ર૦૦ ટકા ટેરિફ લગાવવાની તૈયારીમાં છે. આવું થશે તો ભારતની કંપનીઓને મોટો ફટકો પડશે, તેવા પ્રત્યાઘાતો સામે આવી રહ્યા છે.
અમેરિકાના રાષ્ટ્રપતિ ડોનાલ્ડ ટ્રમ્પે આયાત થતી દવાઓ પર ર૦૦ ટકા કે તેથી વધુનો ટેરિફ લગાવવાની યોજના બનાવી છે. તેમનો ઉદ્દેશ્ય વિદેશથી દવાઓનું ઉત્પાદન પાછું અમેરિકા લાવવાનો છે, જો કે તેમણે કંપનીઓને તૈયારીનો સમય આપવા માટે આ ટેરિફ લાગુ કરવામાં લગભગ એકથી દોઢ વર્ષનો વિલંબ કરવાની વાત પણ કહી છે. મીડિયા રિપોર્ટસ અનુસાર જો અમેરિકા આયાત પર ટેરિફ લગાવશે તો ભારતને અસર થઈ શકે છે. ભારત જેનરિક દવાઓનો મુખ્ય નિકાસકાર હોવાથી ભારતીય દવા ઉત્પાદકોને નુક્સાન થઈ શકે છે અને તેમની નિકાસ પર અસર પડી શકે છે.
જો કે, કેટલાક અહેવાલો સૂચવે છે કે ટ્રમ્પ વહીવટીતંત્ર મુખ્યત્વે ચીનથી આયાત થતી દવાઓ પર ધ્યાન કેન્દ્રિત કરી રહ્યું છે. ટ્રમ્પનો મુખ્ય હેતુ ફાર્મા કંપનીઓને અમેરિકામાં ઉત્પાદન કરવા દબાણ લાવવાનો છે, જેના પર કોઈ ટેરિફ લાગશે નહીં. આ નીતિના કારણે જોન્સન એન્ડ જોન્સન અને રોશ જેવી મોટી કંપનીઓએ પહેલેથી જ અમેરિકામાં રોકાણ વધારવાની જાહેરાત કરી છે.
ઘણાં નિષ્ણાતો માને છે કે ટ્રમ્પના ંચા ટેરિફથી દવાઓ મોંઘી થશે અને તેની અછત સર્જાઈ શકે છે. આનાથી ખાસ કરીને ઓછો નફો ધરાવતી જેનરિક દવાઓ પર વધુ અસર થશે. વિશ્લેષકોના અંદાજ મુજબ ફક્ત રપ ટકા ટેરિફ પણ અમેરિકામાં દવાઓનો ખર્ચ પ૧ અબજ ડોલર સુધી વધારી શકે છે. દવા કંપનીઓ અને ઉદ્યોગોએ આ પગલાની ટીકા કરી છે, કારણ કે તેમને ભય છે કે ટેરિફ આરેએન્ડડી અને નવીનતાને નુક્સાન પહોંચાડશે.
જો કે, કેટલાક રોકાણકારો અને વિશ્લેષકો માને છે કે ર૦૦ ટકા ટેરિફ ખરેખર લાગુ નહીં થાય, પરંતુ તે માત્ર એક વાટાઘાટોની યુક્તિ હોઈ શકે છે, અથવા પ્રેસર ટેકનિક હોઈ શકે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
