Author: નોબત સમાચાર
જામનગરમાં પોષણ ઉત્સવની ઉજવણી અંતર્ગત મિલેટ્સ વાનગી સ્પર્ધાનું આયોજન
પોષણ સ્તરમાં સુધારો થયો હોય તે બાળકો-વાલીઓનું સન્માનઃ
જામનગર તા. ૨૦: જામનગરના ટાઉનહોલમાં પ્રાદેશિક આઈ.સી.ડી.એસ. દ્વારા પોષણ ઉત્સવની ઉજવણી કરવામાં આવી હતી. મહાનગરપાલિકાના ડેપ્યુટી મેયર ક્રિષ્નાબેન સોઢા તથા જિલ્લા પંચાયત ઉપપ્રમુખ હસમુખભાઈ કણઝારીયાના સંયુક્ત અધ્યક્ષસ્થાને આ કાર્યક્રમનું આયોજન કરવામાં આવ્યું હતું.
કાર્યક્રમ દરમ્યાન પોષણ જાગૃતિને લગતી વિવિધ પ્રવૃત્તિઓનું આયોજન થયું હતું. જેમાં ટેક હોમ રાશન તથા મિલેટ્સ વાનગી સ્પર્ધા યોજવામાં આવી હતી. પોષણ સંગમ કાર્યક્રમ અંતર્ગત જે બાળકોના પોષણ સ્તરમાં સુધારો થયો છે, તેવા બાળકો અને તેમના વાલીઓનું સન્માન કરી તેમના પ્રયાસોને બિરદાવવામાં આવ્યા હતા. અંતમાં ઉપસ્થિત સૌ મહાનુભાવો અને નાગરિકોને પોષણ શપથ લેવડાવવામાં આવ્યા હતા.
આ પ્રસંંગે સ્ટેન્ડિંગ કમિટીના ચેરમેન નિલેશભાઈ કગથરા, મ્યુનિ.કમિશનર ડી.એન.મોદી, મહિલા બાળ વિકાસ સમિતિના ચેરમેન ભાવનાબેન ભેંસદડીયા, સામાજિક ન્યાય સમિતિના ચેરમેન ગોમતીબેન ચાવડા, ડેમ્યુટી કમિશનર ડી.એ. ઝાલા, પૂર્વ મેયર અને શહેર ભાજપ અધ્યક્ષ બીનાબેન કોઠારી, રાજકોટ ઝોનના વિભાગીય નાયબ નિયામક પૂર્વીબેન પંચાલ તથા પ્રોગ્રામર ઓફિસર, સી.ડી.પી.ઓ. તેમજ બહોળી સંખ્યામાં મુખ્ય સેવિકાઓ વગેરે ઉપસ્થિત રહ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
