Author: નોબત સમાચાર
દ્વારકા-બેટ દ્વારકા સહિતના યાત્રાધામોમાં સહેલાણીઓ ઉમટ્યાઃ હોટલ-ગેસ્ટહાઉસ ફૂલ
નૂતન વર્ષનું પ્રથમ પખવાડિયું હાઉસફૂલઃ
ચાલુ વર્ષે ચોમાસાની સિઝનમાં રાજ્યમાં સર્વત્ર સારો વરસાદ થયો છે, ત્યારે આગામી વિાળીના તહેવારોમાં દેશના પશ્ચિમ છેવાડે આવેલ યાત્રાધામ દ્વારકામાં દિવાળીના મીની વેકેશનમાં હોટલ-ગેસ્ટહાઉસમાં નવા વર્ષમાં ચિક્કાર બુકીંગ નોંધાયા હોય, યાત્રાધામમાં ભાવિકો તથા સહેલાણીઓની વ્યાપક ભીડભાડ જોવા મળશે. રાજ્ય સરકારે શાળાઓમાં દિવાળી વેકેશન જાહેર કરેલ હોય, આશરે એક પખવાડિયા સુધી યાત્રાધામ દ્વારકા ઉપરાંત નાગેશ્વર જ્યોતિર્લિંગ, બેટદ્વારક, શિવરાજપુર બ્લ્યુ ફ્લેગ બીચ, હર્ષદ (ગાંધવી), ગોપી તળાવ વિગેરે ધાર્મિક સ્થળો તેમજ પર્યટન સ્થળો પર વ્યાપક ભીડભાડ જોવા મળશે. આ વર્ષ સુદર્શન સેતુ પણ દર્શનીય સ્થળોમાં સામેલ થયું હોય, ત્યારે સહેલાણીઓ અને મુલાકાતીઓ માટે બેટદ્વારકા યાત્રા વધુ સુગમ બનવા સાથે સુદર્શન સેતુની મુલાકાત લેતા જોવા મળશે. આ ઉપરાંત શિયાળાની શરૂઆત થઈ રહી હોય ત્યારે શિવરાજપુર બીચમાં સ્કૂબા ડાઈવીંગ, બેટદ્વારકામાં ડોલ્ફીન વ્યુઈંગ વિગેરેની પણ સિઝન આવી રહી હોય, ત્યારે સમગ્ર ઓખામંડળમાં આગામી પખવાડિયું યાત્રિકો અને સહેલાણીઓની ભીડભાડવાળું રહેનાર હોય, સ્થાનિય વેપારીઓમાં પણ સારા વેપારની આશા બંધાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
