Author: નોબત સમાચાર
દારૂનું વેચાણ થતું હોય ત્યાં જનતા રેઈડ કરો તેમ પીઆઈએ કહેતા મચ્યો ખળભળાટ
ઉપરોક્ત બનાવનો વીડિયો થયો વાયરલઃ
જામનગર તા. ૨૫: કાલાવડ પંથકમાં દારૂનું બેફામ વેચાણ થતું હોવાની રજૂઆત માટે એક અગ્રણી તથા એડવોકેટ કેટલાક વ્યક્તિઓ સાથે પોલીસ મથકે ગયા હતા જ્યાં હાજર પીઆઈએ દારૂ વેચાતો હોય ત્યાં જનતા રેઈડ કરો તેમ કહેતા મામલો ગરમાયો છે.
કાલાવડ શહેર તથા ગ્રામ્ય પંથકમાં બેરોકટોક પણે દારૂનો વ્યાપાર થતો હોવાના કારણે અસામાજિક તત્ત્વો બેફામ બન્યા છે. તે દરમિયાન અમૂક સ્થળે દુકાનમાં દારૂનું વેચાણ થતું હોવાની અને કેટલાક સ્થળે કહો ત્યાં દારૂ પહોંચાડવામાં આવતો હોવાની વિગતો સાથે ગઈકાલે કાલાવડના એડવોકેટ અને ભારતીય જનતા પાર્ટીના અગ્રણી જયેશ વાઘાણી સહિતના વ્યક્તિઓ કાલાવડ શહેર પોલીસ સ્ટેશનમાં રજૂઆત માટે ગયા હતા.
ત્યાં હાજર પીઆઈ એન.વી. આંબલીયા સાથે વાતચીત દરમિયાન રકઝક થતાં અને જયેશ વાઘાણીએ દારૂ વેચાતો હોય ત્યાં દરોડા પાડવાની વાત કરતા પીઆઈ આંબલીયાએ તે સ્થળે જનતા રેઈડ કરો તેવું કહેતા ખળભળાટ મચ્યો છે.
ઉપરોક્ત બાબત કોઈ વ્યક્તિએ મોબાઈલમાં વીડિયોમાં કંડારી લીધી હતી અને તેનો વીડિયો વાયરલ થયો છે. પોલીસના આવા કથનથી ઘેરા પડઘા પડ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
